കാഞ്ഞിരപ്പള്ളി: എസ്എന്ഡിപി യോഗം 1496ാം നമ്പര് പാലപ്ര ശാഖയും, 5539ാം നമ്പര് ആനക്കല്ല് ശാഖയും പണി കഴിപ്പിച്ച ഗുരുദേവ ക്ഷേത്രങ്ങള് എസ്എന്ഡിപി യോഗം ജനറല് സെക്രട്ടറി വെളളാപ്പളളി നടേശന് ഇന്നു നാടിന് സമര്പ്പിക്കും.
പാലപ്ര ശാഖാ യോഗം പണികഴിപ്പിച്ച ശ്രീനാരായണ ഗുരുദേവ ക്ഷേത്രത്തിന്റെ സമര്പ്പണം ഇന്ന് രാവിലെ 11ന് യോഗം ജനറല് സെക്രട്ടറി വെളളാപ്പളളി നടേശന് നിര്വ്വഹിക്കും. ക്ഷേത്ര സമര്പ്പണ സമ്മേളനത്തില് . ഹൈറേഞ്ച് യൂണിയന് പ്രസിഡന്റ് ബാബു ഇടയാടിക്കുഴി അദ്ധ്യക്ഷത വഹിക്കും. എസ്എന് ട്രസ്റ്റ് ബോര്ഡ് അംഗം പ്രീതി നടേശന് ഭദ്രദീപ പ്രകാശനം നടത്തും. ധര്മ്മ ചൈതന്യ സ്വാമി അനുഗ്രഹ പ്രഭാഷണം നടത്തും.
മൈക്രോഫിനാന്സ് പദ്ധതിക്കായി ഹൈറേഞ്ച് യൂണിയനു ധനലക്ഷ്മി ബാങ്ക് അനുവദിച്ച 4.65 കോടി രൂപയുടെ ചെക്ക് ബാങ്ക് ഡിജിഎം രാജന് സ്ലീബാ വെളളാപ്പളളി നടേശനു കൈമാറും. മൈക്രോ സംഘങ്ങളുടെ യൂണിയന് തല വായ്പാ വിതരണ ഉദ്ഘാടനവും, മുന് യൂണിയന് സെക്രട്ടറി ഇ. കെ. കുമാരന്റെ ഫോട്ടോ അനാവരണവും ജനറല് സെക്രട്ടറി നിര്വ്വഹിക്കും. .
ക്ഷേത്ര സ്ഥപതി തേവണംകോട്ട് ഇല്ലം സുബ്രഹ്മണ്യന് നമ്പൂതിരി,, ക്ഷേത്ര ശില്പി രാജു ആചാരി അയര്ക്കുന്നം, വിഗ്രഹ ശില്പി ബെന്നി.ആര്.പണിക്കര് ചാലക്കുടി എന്നിവരെ വെളളാപ്പളളി നടേശനും, മുന്കാല പ്രവര്ത്തകരെ യോഗം അസിസ്റ്റന്റ് സെക്രട്ടറി ഗിരീഷ് കോനാട്ടും, വിഗ്രഹം വഴിപാടായി നല്കിയ ദുബായ് സേവനം യൂണിയന് സെക്രട്ടറി രാജന് അമ്പലത്തറയെ ആന്റോ ആന്റണി എം.പിയും, ആദരിക്കും. ശാഖയിലെ മുഴുവന് അംഗങ്ങളുടെ വിവരങ്ങള് ഉള്പ്പെടുത്തി പ്രസിദ്ധീകരിച്ച സുവനീര് പി.സി.ജോര്ജ് എംഎല്എ പ്രകാശിപ്പിക്കും.ശ്രീനാരായണ ധര്മ്മം പുസ്തക വിതരണത്തിന്റെ ഉദ്ഘാടനം പ്രീതി നടേശന് നിര്വ്വഹിക്കും. യൂണിയന് വൈസ് പ്രസിഡന്റ് ലാലിറ്റ്.എസ്.തകടിയേല് മുഖ്യപ്രഭാഷണം നടത്തും. യൂണിയന് സെക്രട്ടറി പി.ജീരാജ് മണ്ഡപ സമര്പ്പണം നിര്വ്വഹിക്കും.
ജില്ലാ പഞ്ചായത്ത് അംഗം കെ. രാജേഷ് മംഗല്യസഹായനിധി വിതരണം ഉദ്ഘാടനം ചെയ്യും. യൂണിയനിലെ 80 യൂണിറ്റുകളിലെ 1500 കുടുംബങ്ങളിലായാണ് 4.65 കോടി രൂപ വിതരണം ചെയ്യുന്നത്. റിസര്വ്വ് ബാങ്കിന്റെ ചട്ടപ്രകാരം അക്കൗണ്ട് വഴിയായിരിക്കും യൂണിറ്റംഗങ്ങള്ക്ക് തുക വിതരണം ചെയ്യുകയെന്നും യൂണിയന് വൈസ് പ്രസിഡന്റ് ലാലിറ്റ്.എസ്.തകടിയേല്, പാലപ്ര ശാഖാ പ്രസിഡന്റ് പി.ആര്.ശ്രീധരന് പാറടിയില് , വൈസ് പ്രസിഡന്റ് സുരേന്ദ്രന് കൊടിത്തോട്ടം, സെക്രട്ടറി വിനോദ് കിളിരൂക്കുന്നേല് എന്നിവര് അറിയിച്ചു.
5539ാം നമ്പര് ആനക്കല്ല് ശാഖാ ഗുരുദേവ ക്ഷേത്രം സമര്പ്പണത്തിനു മുന്നോടിയായി ഇന്നു രാവിലെ 9.30ന് എസ്എന്ഡിപി യോഗം ജനറല് സെക്രട്ടറി വെളളാപ്പളളി നടേശനെ ആനക്കല്ല് ജംങ്ഷനില് സ്വീകരിക്കും. തുടര്ന്ന് നടക്കുന്ന പൊതുസമ്മേളനത്തില് സാബു സ്വാമി ഭദ്രദീപം പ്രകാശിപ്പിക്കും, ഹൈറേഞ്ച് യൂണിയന് പ്രസിഡന്റ് ബാബു ഇടയാടിക്കുഴി അദ്ധ്യക്ഷത വഹിക്കും, യോഗം ജനറല് സെക്രട്ടറി വെളളാപ്പളളി നടേശന് യോഗം ഉദ്ഘാടനം, ക്ഷേത്ര സമര്പ്പണം എന്നിവ നിര്വഹിക്കും.
എസ്.എന്.ട്രസ്റ്റ് ബോര്ഡ് അംഗം പ്രീതി നടേശന് നടപ്പന്തലും, ആന്റോ അന്റണി എം.പി മണിക്കിണറും, യൂണിയന് വൈസ് പ്രസിഡന്റ് ലാലിറ്റ്.എസ്.തകടിയേല് ചുറ്റുമതിലും, , സെക്രട്ടറി പി.ജീരാജ് പ്രാര്ത്ഥനാ ഹാളും സമര്പ്പിക്കും. ക്ഷേത്ര സ്ഥപതി തേവണംകോട്ട്ഇല്ലം സുബ്രഹ്മണ്യന് നമ്പൂതിരിയെ പി.സി.ജോര്ജ് എംഎല്എയും, വിഗ്രഹ ശില്പി ബെന്നി ആര്.പണിക്കരെ വനിതാ കമ്മീഷന് അംഗം ഡോ.ജെ.പ്രമീളാദേവിയും ആദരിക്കും.
