കോഴിക്കോട്: പുനെ ഇന്ഫോസിസ് ജീവനക്കാരി രസീല രാജുവിന്റെ കൊലപാതകത്തില് നടുക്കം മാറാതെ വീട്ടുകാര്. പയിമ്പ്ര കിഴക്കാള്കടവ് ഒഴാമ്പൊയില് രാജീവന്റെയും പരേതയായ പുഷ്പലതയുടെയും മകളാണ് രസീല. രസീലയെ കമ്പ്യൂട്ടര് കേബിള് ഉപയോഗിച്ച് സെക്യൂരിറ്റി ജീവനക്കാരന് പുനെയിലെ ഇന്ഫോസിസ് ഓഫീസില് കൊലപ്പെടുത്തി എന്നാണ് പോലീസ് അറിയിച്ചത്. ഈസ്റ്റ്ഹില് കേന്ദ്രീയ വിദ്യാലയത്തിലും തുടര്ന്ന് കോയമ്പത്തൂരില് എന്ജിനിയറിംഗ് പഠനം പൂര്ത്തിയാക്കിയ ശേഷം രസീല ക്യാമ്പസ് സെലക്ഷനിലൂടെയാണ് ജോലി ലഭിച്ചത്. ബാംഗ്ലൂരില് നിന്ന് കഴിഞ്ഞ ആറു മാസം മുമ്പാണ് പുനെയിലേക്ക് മാറിയത്. സൈനിക സേവനത്തിന് ശേഷം രാജു കുന്ദമംഗലം സ്റ്റേഷനില് ഹോംഗാര്ഡായി പ്രവര്ത്തിക്കുകയാണ്. അമ്മ പുഷ്പലത രണ്ടു വര്ഷം മുമ്പാണ് കാന്സര് ബാധിച്ച് മരണമടഞ്ഞത്. രസീലയുടെ വിവാഹാലോചന നടക്കുന്നതിനിടെയാണ് കൊലപാതക വാര്ത്ത വീട്ടുകാരറിയുന്നത്. രസീലയുടെ പിതാവും ബന്ധുവും പുനെയിലെത്തി പോസ്റ്റ്മോര്ട്ടം നടപടികള് പൂര്ത്തീകരിച്ചു. സ്ഥാപനവുമായി ബന്ധപ്പെട്ടവരാരും എത്താത്തിനാല് പോസ്റ്റ്മോര്ട്ടം വൈകി. മൃതദേഹം മുംബൈ വഴി ഇന്ന് രാവിലെ എട്ടരക്ക് കരിപ്പൂരിലെത്തും. തുടര്ന്ന് വീട്ടില് സംസ്കാര ചടങ്ങുകള് നടക്കുമെന്ന് ബന്ധുക്കള് അറിയിച്ചു. സഹോദരന് : ലജിത്കുമാര് (അബുദാബി ഇത്തിഹാദ് എയര്ലൈന്സ്).
രസീലയുടെ മരണത്തില് നടുങ്ങി ഗ്രാമം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.