പാനൂര്: റിപ്പബ്ലിക് ദിനത്തില് വാര്ഡൊന്നാകെ ശുചീകരണ പ്രവര്ത്തനം നടത്തിയത് വേറിട്ട കാഴ്ചയായി. തൃപ്രങ്ങോട്ടൂര് പഞ്ചായത്തിലെ പതിനെട്ടാം വാര്ഡിലാണ് മെംബര് എ.പി.ഇസ്മയിലിന്റെ നേതൃത്വത്തില് മാതൃകാപരമായ പ്രവര്ത്തനം കാഴ്ച്ച വെച്ചത്. വാര്ഡിലെ കുടുംബശ്രീ അംഗങ്ങളുടെയും തൊഴിലുറപ്പ് പദ്ധതി അംഗങ്ങളുടെയും യുവജന കൂട്ടായ്മകളുടെയും സഹായത്തോടെയാണ് മാതൃകാപരമായ പ്രവര്ത്തനം കാഴ്ചവെച്ചത്.
വിവിധ ഗ്രൂപ്പുകളായി തിരിഞ്ഞും ഓരോ വീട്ടുകാരും രാവിലെ എട്ട് മണി മുതല് ആരംഭിച്ച ശുചീകരണ യജ്ഞത്തില് പങ്കാളികളായി ഗ്രൂപ്പുകളായി തിരിഞ്ഞവര്റോഡുകളു ഇടവഴികളും വൃത്തിയാക്കി.
പ്ലാസ്റ്റിക് വസ്തുക്കള് പ്രത്യേകമായി മാറ്റിയിട്ടും ചപ്പുചവറുകള് അതാത് സ്ഥലങ്ങളില് തന്നെ കൂട്ടിയിട്ട് തീയിട്ടുമാണ് പ്രവൃത്തി നടത്തിയത്.
ഇനി മേലില് ആരും പൊതുസ്ഥലത്ത് മാലിന്യം കൊണ്ടിടാന് പാടില്ലെന്നായിരുന്നു ശുചീകരണത്തില് പങ്കെടുത്ത ഓരോ ആള്ക്കും പറയാനുണ്ടായിരുന്നത്. കഴിഞ്ഞ വര്ഷം പഞ്ചായത്ത് വാര്ഡ് അടിസ്ഥാനത്തില് നടത്തിയ ശുചിത്വ മല്സരത്തില് പതിനെട്ടാം വാര്ഡ് ഒന്നാം സ്ഥാനം നേടിയിരുന്നു. പഞ്ചായത്ത് പ്രസിഡന്റ് കാട്ടൂര് മഹമൂദ്, ആരോഗ്യ സ്റ്റാന്റിംഗ് കമ്മിറ്റി ചെയര്മാന് സമീര് പറമ്പത്ത് തുടങ്ങിയവര് വാര്ഡില് സന്ദര്ശനം നടത്തി.
