ആലപ്പുഴ: തദ്ദേശ സ്ഥാപനങ്ങള് കുടിയന്മാരുടെ കണക്കെടുക്കണമെന്ന് മന്ത്രി ജി.സുധാകരന്. വിമുക്തി പദ്ധതിയുടെ ജില്ലാതല ഉദ്ഘാടനം നിര്വ്വഹിക്കുകയായിരുന്നു അദ്ദേഹം.കാലത്തിനൊത്ത രീതിയില് വിവരങ്ങള് ശേഖരിക്കുന്ന ആസൂത്രണമാണുണ്ടാകണം.
വിദ്യാലയങ്ങളുടെ അടുത്തുള്ള ഒരു മുറുക്കാന് കട പൂട്ടാന് ശ്രമിച്ചാല് പോലും പൊതു പ്രവര്ത്തകര് രക്ഷകരാവുകയാണ്. റോഡ് കയ്യേറി ഇങ്ങനെ കച്ചവടം നടത്തുമ്പോള് നഗരസഭകളും പഞ്ചായത്തും കയ്യുംകെട്ടി കണ്ണും മൂടി ഇരിക്കരുത്.താന്കൊല്ലം എസ്എന് കോളേജില് പഠിച്ചിരുന്ന സമയത്ത് ഒരു തവണ സിഗരറ്റ് വലിച്ചു.
മൂന്ന് ദിവസം തുമ്മലോട് തുമ്മലായിരുന്നു. ചെയിന് സ്മോക്കിങ് നടത്തുന്നവരെ നമസ്ക്കരിക്കണം. പിന്നെ ലഹരി ഉപയോഗിച്ചിട്ടേയില്ല. മദ്യത്തിന്റെ ഗ്യാസടിച്ചാല് അപ്പോള് തലചുറ്റും തനിക്ക്. പുരുഷന്മാരാണ് എഴുപത് ശതമാനവും ലഹരിക്ക് അടിമകള്. പോലീസിലും, എക്സൈസിലും എണ്ണത്തില് കുറവാണെങ്കിലും കുടിയന്മാരുണ്ടെന്നും സുധാകരന് പറഞ്ഞു
