മട്ടന്നൂര്: സൈനികന് വെള്ളിയാംപറമ്പ് കൊടോളിപ്രം ചക്കോലക്കണ്ടി വീട്ടില് സി.രതീഷിന്റെ അമ്മയ്ക്ക് അടിയന്തിര സഹായമെത്തിക്കണമെന്ന് ഓള്കേരള വിഡോ വെല്ഫെയര് അസ്സോസിയേഷന് സംസ്ഥാന പ്രസിഡണ്ട് ഹേമലതാ നമ്പ്യാര്, ജ്യേഷ്ഠ സഹോദരിയും എയര്മാര്ഷന് രഘുനാഥ് നമ്പ്യാരുടെ അമ്മയുമായ രാധാ നമ്പ്യാര് എന്നിവര് സൈനികന്റെ അമ്മയെ സന്ദര്ശിച്ചശേഷം നടത്തിയ വാര്ത്താസമ്മേളനത്തില് ആവശ്യപ്പെട്ടു. അമ്മ സി.ഓമനയമ്മയുടെ സ്ഥിതി ദയനീയമാണെന്നും സഹോദരിയുടെ മകന് കൂലിപ്പണിയെടുത്താണ് ഇവരെ സംരക്ഷിക്കുന്നതെന്നും ഇവര് പറഞ്ഞു. വിവിധ സംസാധാന നേതാക്കളും മന്ത്രിമാരും വീടു സന്ദര്ശിച്ചുവെങ്കിലും ആര്മി വെല്ഫെയര് ഫണ്ടില് നിന്നോ കേന്ദ്ര സംസ്ഥാന സര്ക്കാരുകളില് നിന്നോ വിവിധ രാഷ്ട്രീയ നേതാക്കളില് നിന്നോ ജില്ലാ കലക്ടറില് നിന്നോ അമ്മ എന്ന നിലയ്ക്ക് ഇവര്ക്കു യാതൊരു സഹായവും ലഭിച്ചിട്ടില്ല. രതീഷിന് അഞ്ച് വയസ്സുള്ളപ്പോള് വിധവയായ ഇവരുടെ മകന് സൈനികനായതിനാല് വിധവാ പെന്ഷന് പോലും അനുവദിച്ചിട്ടില്ലെന്നും ജില്ലാ കലക്ടര് ഇടപെട്ട് അടിയന്തിരമായും സാമ്പത്തിക സഹായവും വിധവാ പെന്ഷനും അനുവദിക്കണമെന്നും ഇവര് ആവശ്യപ്പെട്ടു. ശ്രീനഗര് ജമ്മു കാശ്മീര് ദേശീയപാതയില് സൈനിക വാഹന വ്യൂഹത്തിനു നേരേയുണ്ടായ ഭീകരാക്രമണത്തിലാണ് രതീഷും മറ്റുരണ്ടുപേരും കൊല്ലപ്പെട്ടത്.
രതീഷിന്റെ അമ്മയ്ക്ക് അടിയന്തിര സഹായമെത്തിക്കണം
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.