നെടുമ്പാശ്ശേരി: വിമാനത്താവളത്തില് യാത്രക്കാരനില് നിന്ന് 29ലക്ഷം രൂപയുടെ സ്വര്ണം കസ്റ്റംസ് പിടികൂടി. സംഭവവുമായി ബന്ധപ്പെട്ട് കോഴിക്കോട് താമരശേരി സ്വദേശി മുഹമ്മദ് ഷാഫി(27)യെ അറസ്റ്റ് ചെയ്തു. അന്താരാഷ്ട്ര വിപണിയില് 28,80,888 രൂപയോളം വില വരുന്ന 991.700 ഗ്രാം സ്വര്ണ്ണമാണ് കണ്ടെടുത്തത്.
ബുധനാഴ്ച്ച രാത്രി 10.30ന് ദുബായിയില് നിന്നും കൊച്ചി അന്താരാഷ്ട്ര വിമാനത്താവളത്തിലെത്തിയ എയര് ഇന്ത്യ വിമാനത്തിലെ യാത്രക്കാരനായിരുന്നു ഷാഫി. ലഗേജ് പരിശോധനക്കിടയിലാണ് ഹാന്റ് ഡ്രയറിന്റെ ടാന്സ്ഫോര്മറിലും കംപ്രസര് നെബുലൈസറിനുള്ളിലും സ്വര്ണം കണ്ടത്.
സ്വര്ണം പെട്ടെന്ന് തിരിച്ചറിയാതിരിക്കാന് റോഡിയം ഉപയോഗിച്ച് പൊതിഞ്ഞ നിലയിലായിരുന്നു. ദുബായിയില് ലേബര് വിഭാഗം തൊഴിലാളിയായ പ്രതി കമ്മീഷന് വ്യവസ്ഥയില് സ്വര്ണക്കടത്ത് കാരിയറായതാണെന്ന് ചോദ്യം ചെയ്യലില് വ്യക്തമായി.
കസ്റ്റംസ് ഡെപ്യൂട്ടി കമ്മീഷണര് ബിജു തോമസ്, കസ്റ്റംസ് അസിസ്റ്റന്റ് കമ്മീഷണര് ജയന്ത് പി. നാരായണന്, സൂപ്രണ്ടുമാരായ എം. ഷൈരാജ്, പി. സി. അജിത് കുമാര്, കെ. മധുകുമാര്, സെറിന് ജോസഫ്, പി. ഗോപിനാഥന്, കെ. പി. സതീശന്, ഇന്സ്പെക്ടര്മാരായ സത്പാല് മീണ, സുനില്കുമാര്, കെ. രാജ് കുമാര്, അനുരാജ് സത്യ, അഭിഷേക് ബജ്ബൈ, മഹാരാജ സിങ് എന്നിവര് പരിശോധനക്ക് നേതൃത്വം നല്കി.
പ്രതികരിക്കാൻ ഇവിടെ എഴുതുക: