എടത്വ: കുട്ടനാട് മണ്ഡലത്തിലെ തകഴിയില് 1999 ല് നെല്ല് സംഭരണ ഗോഡൗണ്, നെല്ല് കുത്ത്, അരിസംഭരണം എന്നിവ സുഗമമാക്കി കര്ഷകരെ സംരക്ഷിക്കുന്നതിനായി 1.70 കോടി അനുവദിച്ച് തകഴി മോഡേണ് റൈസ്മില് സ്ഥാപിക്കുവാന് നടപടി സ്വീകരിച്ചുവെങ്കിലും 54.25 ലക്ഷത്തിന്റെ പ്രവര്ത്തനങ്ങള് നടന്നപ്പോള് നിസാര കാരണങ്ങളാല് നിര്മ്മാണം തടസ്സപ്പെട്ടു.
2007 ല് ഇടത് സര്ക്കാര് വീണ്ടും പ്രവര്ത്തനങ്ങളാരംഭിച്ചുവെങ്കിലും തുടര്ന്നു വന്ന യുഡിഎഫ് സര്ക്കാര് അതിന് പരിഗണന നല്കിയില്ല. ദിവസവും 40 മെട്രിക് ടണ് നെല്ല് കുത്തി അരിയാക്കുവാന് ലക്ഷ്യമിട്ട പദ്ധതി യാഥാര്ത്ഥ്യമായാല് കുട്ടനാടന് കാര്ഷിക മേഖല അഭിവൃദ്ധിപ്പെടുകയും നിലവിലുള്ള നെല്ല് സംഭരണ താളപ്പിഴ അവസാനിക്കുകയും ചെയ്യണമെന്ന് എന്സിപി ജില്ലാ ജനറല് സെക്രട്ടറി ജെയ്സപ്പന് മത്തായി ആവശ്യപെട്ടു. ഈ ആവശ്യം ഉന്നയിച്ച് കൃഷി മന്ത്രി വി.എസ്. സുനില്കുമാറിന് നിവേദനം നല്കി.
മില്ല് തുറക്കുവാനാവശ്യമായ നടപടി സ്വീകരിക്കുമെന്ന് മന്ത്രി ഉറപ്പു നല്കിയതായും ജെയ്സപ്പന് മത്തായി അറിയിച്ചു.
