ചാരുംമൂട്(ആലപ്പുഴ): സിപിഎം-ഡിവൈഎഫ്ഐ അക്രമം തുടരുന്നു. നൂറനാട് ഗ്രാമപഞ്ചായത്തില് ബിജെപി പഞ്ചായത്ത് കമ്മറ്റി പ്രസിഡന്റിന്റെ കാറും പ്രവര്ത്തകന്റെ ബൈക്കും കത്തിച്ചു. കഴിഞ്ഞ രാത്രി പന്ത്രണ്ടരയോടെയാണ് സംഭവം. പ്രസിഡന്റ് നൂറനാട് ഇടപ്പോണ് സരോവരത്തില് സ്റ്റാലിന്കുമാറിന്റെ കാറാണ് ആദ്യം കത്തിച്ചത്. അതിനു ശേഷം അരമണിക്കൂറിനുള്ളില് ബിജെപി പ്രവര്ത്തകന് പാറ്റൂര് ലളിതാലയത്തില് അനില്കുമാറിന്റെ ബൈക്കും കത്തിച്ചു.
കാര് കത്തിച്ച വിവരം അറിഞ്ഞ് സ്റ്റാലിന്റെ വീട്ടിലേക്ക് അനില്കുമാര് പോയ സമയത്താണ് കാര്പ്പോര്ച്ചിലിരുന്ന ബൈക്ക് കത്തിച്ചത്. ഭാര്യ പ്രസന്ന ഇറങ്ങിവന്നപ്പോഴത്തേക്കും അക്രമികള് ഓടിരക്ഷപ്പെട്ടു. ഈ സമയം എത്തിയ പോലീസാണ് ബൈക്കിലെ തീഅണച്ചത്. സിപിഎം-ഡിവൈഎഫ്ഐ പ്രവര്ത്തകര് ആസൂത്രിതമായി തയ്യാറാക്കിയ പദ്ധതിയാണ് ഇതെന്ന് രഹസ്യാന്വേഷണ വിഭാഗം ഉള്പ്പെടെ കരുതുന്നത്.
കാറിനു തീവച്ച സംഘത്തില് സിപിഎമ്മുകാരായ പഴഞ്ഞിയൂര്കോണം ഉഷസ്സില് അനു, പുലിമേല് സ്വദേശി സന്തോഷ് എന്നിവര് ഉണ്ടായിരുന്നതായി പോലീസിന് നല്കിയ പരാതിയില് സ്റ്റാലിന്കുമാര് ആരോപിച്ചു.
പ്രതികരിക്കാൻ ഇവിടെ എഴുതുക: