ന്യൂദല്ഹി: യുപി ഉള്പ്പെടെ അഞ്ച് സംസ്ഥാനങ്ങളിലെ തെരഞ്ഞെടുപ്പ വിജയം രാഷ്ട്രപതി തെരഞ്ഞെടുപ്പിലും നിര്ണായകം. രാഷ്ട്രപതി പ്രണബ് മുഖര്ജിയുടെ കാലാവധി ഈ വര്ഷം ജൂലൈയിലാണ് അവസാനിക്കുന്നത്. സ്വന്തം സ്ഥാനാര്ത്ഥിയെ വിജയിപ്പിക്കാന് കേന്ദ്രം ഭരിക്കുന്ന എന്ഡിഎ മുന്നണിക്ക് കുറച്ചു വോട്ടുകളുടെ കുറവുണ്ട്. ഫെബ്രുവരി-മാര്ച്ച് മാസങ്ങളിലായി നടക്കുന്ന നിയമസഭാ തെരഞ്ഞെടുപ്പില് പരമാവധി എംഎല്എമാരെ ജയിപ്പിച്ച് ഇത് മറികടക്കുകയാണ് ബിജെപി ലക്ഷ്യമിടുന്നത്.
29 സംസ്ഥാനങ്ങളിലെയും ദല്ഹി, പുതുച്ചേരി എന്നീ കേന്ദ്രഭരണ പ്രദേശങ്ങളിലെയും എംഎല്എമാരും രാജ്യസഭയിലെയും ലോക്സഭയിലെയും എംപിമാരും ചേര്ന്നാണ് രാഷ്ട്രപതിയെ തെരഞ്ഞെടുക്കുന്നത്. 776 എംപിമാരും 4120 എംഎല്എമാരും വോട്ടുചെയ്യും. ഒരു എംപിയുടെ വോട്ടിന്റെ മൂല്യം 708 ഉം എംഎല്എമാരുടേത് സംസ്ഥാനത്തിന് അനുസരിച്ചും ആയിരിക്കും. രാഷ്ട്രപതി സ്ഥാനത്തേക്ക് ജയിക്കാന് എന്ഡിഎക്ക് 5,49,000 വോട്ടാണ് വേണ്ടത്. നിലവില് 1,82,168 വോട്ടിന്റെ കുറവ്.
വരുന്ന നിയമസഭാ തെരഞ്ഞെടുപ്പുകളില് നേടുന്ന വിജയത്തിലൂടെ ഇത് മറികടക്കാമെന്ന് കേന്ദ്രസര്ക്കാര് പ്രതീക്ഷിക്കുന്നത്. 403 എംഎല്എമാരുള്ള ഉത്തര് പ്രദേശ് അതിനാല് ഏറ്റവും നിര്ണായകമാണ്. അഞ്ച് സംസ്ഥാനങ്ങളിലായി 690 നിയമസഭാ മണ്ഡലങ്ങളാണുള്ളത്. ഉപരാഷ്ട്രപതി തെരഞ്ഞെടുപ്പും ഈ വര്ഷം നടക്കും. ഹമീദ് അന്സാരിയുടെ കാലാവധി ആഗസ്ത് പത്തിനാണ് അവസാനിക്കുന്നത്. രാജ്യസഭയിലെയും ലോക്സഭയിലെയും എംപിമാര് മാത്രമാണ് ഉപരാഷ്ട്രപതിയെ തെരഞ്ഞെടുക്കുന്നത് എന്നതിനാല് നിയമസഭാ തെരഞ്ഞെടുപ്പിലെ ജയപരാജയങ്ങള് ബാധിക്കില്ല.
രാജ്യസഭയിലെ അംഗസംഖ്യ വര്ദ്ധിപ്പിക്കാനും വിജയം ബിജെപിയെ സഹായിക്കും. നിലവില് എന്ഡിഎക്ക് 74ഉം യുപിഎക്ക് 71ഉം അംഗങ്ങളാണ് രാജ്യസഭയിലുള്ളത്. ഭൂരിപക്ഷമില്ലാത്തതിനാല് ബില്ലുകള് പലതും പാസാക്കാന് സാധിക്കുന്നില്ല. അടുത്ത വര്ഷം ഏപ്രിലില് യുപിയിലെ പത്ത് രാജ്യസഭാ അംഗങ്ങളുടെ കാലാവധി അവസാനിക്കും. യുപിയില് പരമാവധി സീറ്റുകള് നേടിയാല് രാജ്യസഭയിലേക്ക് കൂടുതല് പേരെ അയക്കാന് ബിജെപിക്ക് സാധിക്കും. തെരഞ്ഞെടുപ്പ് നടക്കുന്ന ഉത്തരാഖണ്ഡിലും ഒരു രാജ്യസഭാ സീറ്റ് ഒഴിവ് വരും. ഈ വര്ഷം ബംഗാളില് ആറും ഗുജറാത്തില് മൂന്നും ഒഴിവുണ്ട്.
മണിപ്പൂര്, പഞ്ചാബ് എന്നിവിടങ്ങളില് നിലവിലെ എന്ഡിഎ സര്ക്കാരിന്റെ കാലവധി കഴിയുന്നത് വരെ ഒഴിവില്ല. നാമനിര്ദ്ദേശം ചെയ്യപ്പെട്ട എംപിമാരായ സച്ചിന് ടെണ്ടുല്ക്കര്, രേഖ എന്നിവരുടെ കാലാവധിയും 2018 ഏപ്രിലില് അവസാനിക്കും.
