ന്യൂദല്ഹി; അഞ്ച് സംസ്ഥാനങ്ങളിലെ തെരഞ്ഞെടുപ്പ് അടുത്ത മാസം നടക്കാനിരിക്കയാണെങ്കിലും ബജറ്റ്ക അവതരണത്തിന് നിയമപരമായ തടസങ്ങള് ഇല്ല. തെരഞ്ഞെടുപ്പ് കണക്കിലെടുത്ത് ബജറ്റ് മാറ്റവയ്ക്കണമെന്നാണ് പ്രതിപക്ഷപ്പാര്ട്ടികളുടെ ആവശ്യം.
ഈ ആവശ്യം ഉന്നയിച്ച് അവര് കമ്മീഷനെ കാണുകയും ചെയ്തിരുന്നു.
മാതൃകാപെരുമാറ്റച്ചട്ടം നിലവിലുണ്ടെങ്കിലും നിയമപരമായ തടസമില്ലെന്നാണ് പ്രമുഖര് വ്യക്തമാക്കിയത്.
പാര്ലമെന്റ് നിയമസഭാ തെരഞ്ഞെടുകള് ഒന്നിച്ചല്ല നടക്കുന്നത്.ഏതെങ്കിലും സംസ്ഥാനങ്ങളില് തെരഞ്ഞെടുപ്പ് നടക്കുന്നതിന്റെ പേരില്, നിയമത്തിനുള്ളില് നിന്നുകൊണ്ട് കേന്ദ്രസര്ക്കാര് ചെയ്യുന്നതിനെ തടയേണ്ടതില്ല. എല്ലാ വര്ഷവും രാജ്യത്ത് എവിടെങ്കിലുമൊക്കെ നിയമസഭാ തെരഞ്ഞെടുപ്പ് നടക്കാറുണ്ട്. മുന് ആഭ്യന്തര സെക്രട്ടറി കൂടിയായ മാധവ് ഗോഡ്ബോളെ പറഞ്ഞു.ബജറ്റില് പറയുന്നത് സംസ്ഥാനങ്ങളിലെ തെരഞ്ഞെടുപ്പിനെ ബാധിക്കുമെന്ന് കരുതുന്നുമില്ല.
ബജറ്റ് നേരത്തെയാക്കാനുള്ള പരിഷ്ക്കാരം നേരത്തെ നടപ്പാക്കേണ്ടതായിരുന്നു. ഇപ്പോള് അങ്ങനെ ചെയ്യുമ്പോള് അത് തടയേണ്ടതില്ല. അദ്ദേഹം പറഞ്ഞു.
ഒന്ന് ദേശീയ വിഷയമാണ്. തെരഞ്ഞെടുപ്പുകള് സംസ്ഥാന വിഷയവും. മുന്മുഖ്യ തെരഞ്ഞെടുപ്പ് കമ്മീഷണര് വിഎസ് സമ്പത്ത് പറഞ്ഞു.മാതൃകാപെരുമാറ്റച്ചട്ടം ജുഡീഷ്യറിയുടേയോ നിയമനിര്മ്മാണ സഭയുടേയോ പ്രവര്ത്തനങ്ങളെ ബാധിക്കുന്നില്ല. അദ്ദേഹം പറഞ്ഞു.
ബജറ്റിന് നിയന്ത്രണം ഏര്പ്പെടുത്തേണ്ടതില്ലെന്ന് മുന്മുഖ്യതെരഞ്ഞെടുപ്പ് കമ്മീഷണര് വി.ഗോപാലസ്വാമി പറഞ്ഞു.
