കല്പ്പറ്റ : ബിജെപി സംസ്ഥാന ജനറല് സെക്രട്ടറി എ.എന് രാധാകൃഷ്ണന്. കല്പ്പറ്റയില് ബിജെപി സംഘടിപ്പിച്ച ഡിജിറ്റല് ബാങ്കിംഗ് ജില്ലാതല ശില്പശാല ഉദ്ഘാടനം ചെയ്യുകയായിരുന്നു അദ്ദേഹം. കേന്ദ്രഗവണ്മെന്റിനെ ഇരുപത്തിനാലു മണിക്കുറും കുറ്റം പറഞ്ഞു നടക്കുന്ന കേരളത്തിലെ ഇടതുപക്ഷ ഗവണ്മെന്റിലെ മന്ത്രിമാര് തുടങ്ങി താഴെക്കിടയിലെ നേതാക്കന്മാര് വരെ പിടിച്ചുപറി, തട്ടിക്കൊണ്ടു പോകല്, കൊലപാതകം തുടങ്ങിയ കേസുകളില് പ്രതിക്കൂട്ടിലാണ്.
നരേന്ദ്ര മോഡി ഗവണ്മെന്റ് രാജ്യത്തിലെ ബഹു ഭൂരിപക്ഷം വരുന്ന പാവങ്ങള്ക്കൊപ്പമാണ് നിലകൊള്ളുന്നത്. നോട്ടു നിരോധനത്തിന്റെ പ്രധാന ലക്ഷ്യം കള്ളപ്പണക്കാരെയും കള്ളനോട്ടിലൂടെ രാജ്യത്തെ അസ്ഥിരപ്പെടുത്താന് ശ്രമിക്കുന്നവരെ തകര്ത്തെറിയുക എന്നതാണ്. കേന്ദ്രം കൊണ്ടുവരുന്ന കാര്യങ്ങള് നടപ്പിലാക്കുക എന്നത് സംസ്ഥാനങ്ങളുടെ കര്ത്തവ്യമാണ്. എന്നാല് കേരളം ഇതില് കുറ്റകരമായ അനാസ്ഥയാണ് കൈക്കൊള്ളുന്നത്. കേന്ദ്രത്തിന്റെ ഉദ്ദേശലക്ഷ്യത്തെ അട്ടിമറിക്കുന്ന രീതിയിലാണ് സംസ്ഥാനത്തിന്റെ ഇതുവരെയുള്ള നീക്കങ്ങള്. ഡിസംബര് 29ന് സിപിഎം നടത്തുന്ന മനുഷ്യച്ചങ്ങല കള്ളപ്പണക്കാര്ക്കുവേണ്ടിയാണ്. ജനങ്ങളെ തെറ്റിദ്ധരിപ്പിച്ച് രാജ്യത്ത് അരാജകത്വം സൃഷ്ടിക്കാനാണ് ഇടതുപക്ഷം ശ്രമിക്കുന്നത്.
കേരളത്തില് സിപിഎമ്മും കോണ്ഗ്രസ്സും കള്ളപ്പണ സഹകരണ മുന്നണിയായിരിക്കുകയാണ്. ഒട്ടനവധി ജനക്ഷേമ പദ്ധതികള് കേന്ദ്ര ഗവണ്മെന്റ് ആവിഷ്കരിച്ചിട്ടുണ്ട് എന്നാല് കേരളത്തിലെ ജനങ്ങള്ക്ക് ഇതിനെ കുറിച്ച് പൂര്ണ്ണമായ അവബോധം വന്നിട്ടില്ല.ഇതിനായി ടോള്ഫ്രീ നംമ്പര് പ്രസിധീകരിച്ചിട്ടുണ്ട്. അതുപോലെ തന്നെ പദ്ധതികളുടെ സമഗ്ര വിവരങ്ങളടങ്ങിയ വെബ്സൈറ്റും തുടങ്ങിയിട്ടുണ്ട്. ഇത്രയേറെ ജനക്ഷേമ പദ്ധതി കര് സ്വാതന്ത്രഭാരതത്തില് ആദ്യമായാണ് നടക്കുന്നത് .നരേന്ദ്ര മോടി സര്ക്കാറിനെതിരെയുള്ള കള്ള പ്രചരണം ത്തിന്റെ എല്ലാ സീമകളും ലംഘിച്ചിരിക്കുകയാണ്.ഇരു മുന്നണികളിലും പെട്ട ആള്ക്കാരുടെ വലിയ തോതിലുള്ള കള്ളപ്പണം കേരളത്തിലെ സഹകരണ ബാങ്കു കളില് നിക്ഷേപിച്ചിട്ടുണ്ട്.
കേരളപ്പിറവിക്കുമുന്പ് തന്നെ സഹകരണ ബാങ്കുകള് കേരളീയരുടെ ജീവിതത്തിന്റെ പ്രധാന ഭാഗമായിരുന്നു. കേരളത്തിലെ സഹകരണ ബാങ്കുകളെ കഴിഞ്ഞ നാല്പ്പതു വര്ഷമായി ഇടതു വലതു മുന്നണികള് ഹൈജാക്ക് ചെയ്തിരിക്കുകയാണ്. മൂന്ന് പ്രവര്ത്തിദിവസം കൊണ്ട് രണ്ടായിരത്തി എണ്ണൂറ് കോടി രൂപയാണ് കേരളത്തി ല് നോട്ടുനിരോധനത്തിനു ശേഷം സഹകരണ ബാങ്കുകളിലെത്തിയത് ഇത് ഇവിടുത്തെ പാവപ്പെട്ടവരുടെ പണമല്ല എന്ന കാര്യം വ്യക്തമാണ്. വൈദ്യനാഥന് റിപ്പോര്ട്ട് നടപ്പില് വരുത്താത്ത രണ്ട് സംസ്ഥാനമാണ് കേരളവും തമിഴുനാടും. കോഴിക്കോട് ആസ്ഥാനമായുള്ള ഒരു സഹകരണ ബാങ്കിന്റെ ആസ്തി ആയിരം കോടി രൂപയാണ് ഇത് ആരുടെ പണമാണ് എന്ന് വ്യക്തമാക്കണം. സംസ്ഥാനത്ത് വരുന്ന കുഴല് പണവും ഹവാല പണവും യാതൊരു രേഖയും കൂടാതെ ഇത്തരം സ്ഥാപനങ്ങളില് നിക്ഷേപിക്കുന്നുണ്ടെന്നും എ.എന്. രാധാകൃ ഷ്ണന് പറഞ്ഞു.
ബിജെപി ജില്ല പ്രസിഡണ്ട് സജിശങ്കര് അധ്യക്ഷത വഹിച്ചു. വി.വി.രാജന്, പള്ളിയറ രാമന്, കെ.സദാനന്ദന്, പി. ജി.ആനന്ദ്കുമാര്, കെ.മോഹന്ദാസ്, ഇ.പി.ശിവദാസന് തുടങ്ങിയവര് പ്രസംഗിച്ചു.
ഡിജിറ്റല് ബാങ്കിംഗ് ജില്ലാതല ശില്പ്പശാല കല്പ്പറ്റയില്
ബിജെപി സംസ്ഥാന ജനറല് സെക്രട്ടറി എ.എന് രാധാകൃഷ്ണന് ഉദ്ഘാടനം ചെയ്യുന്നു
