കണ്ണൂര്: ആശ്രമം ചാലാടിന്റെ ആഭിമുഖ്യത്തില്, രാജേഷ് പച്ചയുടെ. നൂല്ക്കൂട്ട് ചിത്രപ്രദര്ശനം കണ്ണൂര് ട്രെയിനിങ്ങ് സ്ക്കൂളില് മോഹനന് മാസ്റ്റര് ചാലാട് മെമ്മോറിയല് ആര്ട്ട് ഗാലറിയില് മഹേഷ് ചന്ദ്രബാലിഗ ഉദ്ഘാടനം ചെയ്തു.
ഉദ്ഘാടന ചടങ്ങില് പ്രിന്സിപ്പള് ഓഫ് ട്രെയിനിങ്ങ് സ്ക്കുള് കണ്ണൂര് വസന്തകുമാരന് മാസ്റ്റര് അദ്ധ്യക്ഷത വഹിച്ചു. കൗണ്സിലര് കൊട്ടക്കന് ജയദേവന്, പി.വി.രത്നാകരന്, ഹരീന്ദ്രന് ചാലാട്, എന്.വി.ശശിധരന്. എന്നിവര് സംസാരിച്ചു. ബൈജു പള്ളിക്കണ്ടി നന്ദി പറഞ്ഞു. ചിത്രകല ഇന്നേവരെ അഭ്യസിച്ചിട്ടില്ലാത്ത രാജേഷിന്റെ നൂല് ചിത്രങ്ങള് വീക്ഷിക്കുന്നവര്ക്കും ശാസ്ത്രീയ്മായ് വരയും വരയുടെ മര്മ്മവും പടിച്ചവരെപോലും അതിശയിപ്പിക്കുന്നവയാണ്. കേന് വാസില്, ചിത്രത്തിന്റെ സ്കെച്ച് വര്ച്ചതിനുശേഷം ചിത്രത്തിനു ആവശ്യമായ വര്ണ്ണനൂലുകള് തുണ്ടം തുണ്ടമാക്കി അവ ക്യാന്വാസില് പശചേര്ത്ത് ഒട്ടിക്കുമ്പോള് രാജേഷിന്റെ ചിത്രത്തിനു ജീവന് തുടിക്കുകയാണ്. ഏറേ ക്ഷമവേണ്ടിവരുന്ന ഈ ചിത്രരചനയ്ക്കു വൂളന് ത്രെഡ് കട്ട് ആര്ട്ട് എന്നാ നാമകരണവും ചെയ്തിട്ടുണ്ട് രാജേഷ്.
ഗാന്ധിജി, മദര് തെരേസ, ശ്രീനാരായണഗുരു തുടങ്ങിയ ദൈവ തുല്യരായ വ്യക്തികളാണ് ആദ്യം നൂല് ചിത്രകലാ വിഭാഗത്തിനു വിഷയങ്ങളായത്. തുടര്ന്ന് കാല്പനികത കലര്ന്ന് ചിത്രങ്ങള്, രവിവര്മ്മ ചിത്രങ്ങളും ശേഖരത്തിലുണ്ട്. ഹംസവും ദമയന്തിയും, വിളക്കേന്തിയ വനിത, പാല്ക്കാരി, അച്ചനെ കാത്തു നില്ക്കുന്ന കുട്ടി തുടങ്ങി ജലസംരക്ഷണം, അക്രമത്തിനെതിരെ, ഹര്ത്താലിനെതിരെ ബോധവല്ക്കരണ ചിത്രങ്ങള് തയ്യാറാക്കിയിട്ടുണ്ട്. മൂന്നു ദിവസം നീണ്ടുനില്ക്കുന്ന ചിത്രപ്രദര്ശനം 24ന് സമാപിക്കും.
