കണ്ണൂര്: അഴീക്കോട് പൊടിക്കുണ്ട് റസിഡന്സ് അസോസിയേഷന് (കൊട്ടാരത്തുംപാറ) വാര്ഷികാഘോഷവും പ്രഥമ പ്രതിഭാ പുരസ്ക്കാര ദാനവും 25 ന് നടക്കുമെന്ന് അസോസിയേഷന് ഭാരവാഹികള് വാര്ത്താ സമ്മേളനത്തില് അറിയിച്ചു. അഴീക്കോട് പ്രദേശത്തെ സാമൂഹ്യ സാംസ്ക്കാരിക ജീവകാരുണ്യ പ്രവര്ത്തനരംഗങ്ങളില് പ്രവര്ത്തിക്കുന്ന അസോസിയേഷന് വിവിധ രംഗങ്ങളില് മികവുറ്റ പ്രവര്ത്തനങ്ങള് നടത്തുന്ന പ്രതിഭകള്ക്ക് ഏര്പ്പെടുത്തിയ പുരസ്ക്കാരം ആരോഗ്യ രംഗത്തെ സമഗ്ര സംഭാവന പരിഗണിച്ച് ഡോ.സി.നരേന്ദ്രന് നല്കും. വൈകുന്നേരം 4 മണിക്ക് കൊട്ടാരത്തുംപാറ പൊടിക്കുണ്ട് പരിസരത്ത് നടക്കുന്ന ചടങ്ങില് തുറമുഖ വകുപ്പ് മന്ത്രി കടന്നപ്പളളി രാമചന്ദ്രന് ഉദ്ഘാടവും പുരസ്ക്കാര സമര്പ്പണവും നടത്തും. കെ.സുധാകരന്, എം.പ്രകാശന് എന്നിവര് സംബന്ധിക്കും. അഴീക്കോടിന്റെ ചരിത്രം ഉള്ക്കൊളളുന്ന സുവനീര് കെ.എം.ഷാജി എംഎല്എ പ്രകാശനം ചെയ്യും. പ്രശസ്ത ചിത്രകാരിയായിരുന്ന ചിഞ്ചുഷയുടെ സ്മരണയ്ക്കായി നടത്തുന്ന ചിത്രരചനാ മത്സരം രാവിലെ ബ്ലോക്ക് പഞ്ചായത്ത് പ്രസിഡണ്ട് കുടുവന് പതാമനാഭന് ഉദ്ഘാടനം ചെയ്യും. ചിത്രകലാ വിജയികള്ക്കുളള സമ്മാനം സി.കെ.പത്മനാഭന് വിതരണം ചെയ്യും. പഠന മികവു പുലര്ത്തിയ വിദ്യാര്ത്ഥികളെ വെളേളാറ രാജന് അനുമോദിക്കും. തുടര്ന്ന് അസോസിയേഷന് കുടുംബാംഗങ്ങളുടെ കലാപരിപാടികള് അരങ്ങേറും. വാര്ത്താ സമ്മേളനത്തില് അസോസിയേഷന് ഭാരവാഹികളായ പുത്തലത്ത് സദാനന്ദന്, അബ്ദുള്നിസാര്, വയരളത്ത് രവീന്ദ്രന്, പാലക്കല് പ്രേമരാജന്, പി.പി.അരുണാക്ഷന് എന്നിവര് പങ്കെടുത്തു.
വാര്ഷികാഘോഷവും അവര്ഡ്ദാനവും 25 ന്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.