തൃപ്പൂണിത്തുറ: പൂര്ണ്ണത്രയീശ ക്ഷേത്രത്തില് കാലങ്ങളായി നടന്നു വരുന്ന അഴിമതിയുടെ വഴിവിട്ട നീക്കത്തിന്റെ തുടര്ച്ചയാണ് ആനപ്പറമ്പ് സ്വകാര്യ വ്യക്തികള്ക്ക് കച്ചവടം നടത്താന് നല്കാനുള്ള നീക്കമെന്ന് ഹിന്ദു സംഘടനകള് അരോപിച്ചു. എസ്എന് ജംഗ്ഷന് സമീപം എരൂര് മെയിന് റോഡില് ദേവസ്വത്തിന്റെ കീഴിലുള്ള ഒരേക്കര് അറുപത് സെന്റോളം വരുന്ന ആനപ്പറമ്പ് സ്വകാര്യ വ്യക്തികള്ക്ക് ലേലത്തിന് നല്കുവാന് ദേവസ്വം ബോര്ഡ് പത്ര പരസ്യം നല്കിയിരുന്നു.
ക്ഷേത്രവുമായി ബന്ധപ്പെട്ടതും എരൂര് ശാസ്താ ക്ഷേത്രത്തിന്റെ മതിലിനോട് ചേര്ന്ന കിടക്കുന്നതുമായ ഈ സ്ഥലം മാര്ക്കറ്റിന്റെ നടത്തിപ്പിനായി കൈമാറ്റം നടത്തിയാല് ഭാവിയില് ദോഷകരമാകും. വേനല്കാലങ്ങളില് പോലും വറ്റാത്ത കുളം ആനപ്പറമ്പിലുണ്ട്. ക്ഷേത്രസ്വത്തുക്കള് വാടകയ്ക്ക് നല്കി നഷ്ടപ്പെടുത്തിയിട്ടുള്ള ചരിത്രം മാത്രമാണ് ദേവസ്വം ബോര്ഡിനുള്ളതെന്നും യോഗം ആരോപിച്ചു. ഇത്തരം നീക്കത്തില് നിന്നും ബോര്ഡ് അടിയന്തരമായി പിന്മ്മാറണമെന്ന് ആവശ്യപ്പെട്ടുകൊണ്ട് അസിസ്റ്റന്റ് കമ്മീഷണര്ക്ക് യോഗം നിവേദനം നല്കി. ഡി. വേണുഗോപാല് (വി.എച്ച്.പി പ്രസിഡന്റ്), ജയന്തന് നമ്പൂതിരി (നഗര് സംഘ് ചാലക്), എസ്.സഞ്ജയന് (വിഎച്ച്പി സെക്രട്ടറി, യു. മധുസൂധനന് ( ബിജെപി മണ്ഡലം പ്രസിഡന്റ്), പ്രേംകുമാര് (ഹിന്ദു ഐക്യവേദി )സ വിനോദ് കുമാര് ഏലുമന, ദിലീപ് മേനോന് (തപസ്യാ ) വിവിധ ഹിന്ദു സംഘടനകളുടെ പ്രതിനിധികളും യോഗത്തില് പങ്കെടുത്തു.
