കണ്ണൂര്: മന്നം സോഷ്യല് സര്വ്വീസ് സ്കീം പ്രകാരം വനിതകളെ സംഘടിപ്പിച്ചുകൊണ്ട് സ്വയംസഹായസംഘങ്ങള് രൂപീകരിച്ചു. സമ്പാദ്യശീലം വളര്ത്തുവാനും സ്വയംപര്യാപ്തത കൈവരിക്കുവാനും വേണ്ടി കണ്ണൂര് താലൂക്ക് എന്എസ്എസ് കരയോഗയൂണിയന് 100 ദിവസത്തെ കര്മ്മപദ്ധതിയില് 100 സ്വയംസഹായ സംഘങ്ങള് രൂപീകരിക്കാന് ലക്ഷ്യമിട്ടതിന്റെ ഭാഗമായി മക്രേരി എന്എസ്എസ് കരയോഗം രൂപീകരിച്ച പുതിയ രണ്ട് യൂണിറ്റുകള് കണ്ണൂര് താലൂക്ക് യൂണിയന് ചെയര്മാന് ഇ.പി.പത്മനാഭന് നമ്പ്യാര് ഉദ്ഘാടനം ചെയ്തു. കരയോഗം പ്രസിഡണ്ട് റിട്ട കേണല് കെ.രാമദാസന്റെ അധ്യക്ഷതയില് നടന്ന യോഗത്തില് വത്സന് മഠത്തില് എന്എസ്എസ് യൂണിയന്റെ 100 ദിന കര്മ്മപദ്ധതികളെക്കുറിച്ച് വിശദീകരിച്ചു. താലൂക്ക് യൂണിയന് സെക്രട്ടറി പി.കനകരാജ്, വനിതാ സമാജം പ്രസിഡണ്ട് പി.വി.പങ്കജാക്ഷി ടീച്ചര്, സെക്രട്ടറി എന്.ഉമാദേവി, സി.കെ.ഫല്ഗുനന് നമ്പ്യാര്, കെ.എം.രാമചന്ദ്രന് നമ്പ്യാര് എന്നിവര് സംസാരിച്ചു. മക്രേരി കരയോഗം സെക്രട്ടറി കെ.ഒ.അരവിന്ദാക്ഷന് സ്വാഗതവും വൈസ് പ്രസിഡണ്ട് കെ.സി.വിജയരാജന് നമ്പ്യാര് നന്ദിയും പറഞ്ഞു.
സ്വയംസഹായസംഘം രൂപീകരണവും വനിതാസംഗമവും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.