മനോജും ഭാര്യയും മകളും
ഔറംഗബാദ്: മഹാരാഷ്ട്രയിലെ ഔറംഗബാദിലെ ബിസിനസുകാരന് മനോജ് മുനോട്ട് സകലര്ക്കും മാതൃകയാണ്. മകള് ശ്രേയയുടെ വിവാഹത്തിന് കരുതിയ പണം കൊണ്ട് അദ്ദേഹം പാവപ്പെട്ട 90 പേര്ക്ക് വീടു വച്ച് നല്കുന്നു. വിവാഹത്തിന് 80 ലക്ഷം രൂപ ചെലവിടാനാണ് മനോജ് തീരുമാനിച്ചിരുന്നത്. ആ തീരുമാനം മാറ്റി.
ബിജെപിയിലെ യുവ എംഎല്എ പ്രശാന്ത് ബാംബാണ് ഇതിന് പ്രേരണയായതെന്ന് വാര്ത്താ ഏജന്സി റിപ്പോര്ട്ട് ചെയ്യുന്നു. ശ്രേയയുടെ വിവാഹത്തിന് ഇത്രയും പണം ചെലവിടുന്നതിനു പകരം ചടങ്ങ് ലളിതമാക്കി ബാക്കി തുക പാവപ്പെട്ടവര്ക്ക് വീട് വച്ചു നല്കാന് ഇദ്ദേഹം തീരുമാനിച്ചു. മകളും ഇതിനെ പിന്തുണച്ചു. ”ഇതാണ് തനിക്കുള്ള ഏറ്റവും വലിയ വിവാഹ സമ്മാനം,” ശ്രേയ പറഞ്ഞു.
തനിക്കും വിവാഹ സമ്മാനമായി വീട് ലഭിക്കുമെന്നറിഞ്ഞ ഷാബ് അലി ഷെയ്ക്ക് വലിയ സന്തോഷത്തിലാണ്. കുടിവെള്ളം, വൈദ്യുതി എന്നിവയെല്ലാം ഇനി ലഭിക്കുമല്ലോ…ഷാബ് അലി ഷെയ്ഖ് പറഞ്ഞു.
