കോട്ടയം: മലയാളി യുവാക്കള്ക്കിടയില് നൈപുണ്യവികസനം വ്യാപകമാക്കണമെന്ന് പാര്ലമെന്റ് അംഗവും എന്ഡിഎ സംസ്ഥാന ഉപാദ്ധ്യക്ഷനുമായ രാജീവ് ചന്ദ്രശേഖര്. ഉപഭോക്തൃ സംസ്ഥാനമെന്ന നിലയില്നിന്ന് ഉത്പാദന സംസ്ഥനമായി കേരളത്തെ പരിവര്ത്തനം ചെയ്യേണ്ട സമയം ആഗതമായിക്കഴിഞ്ഞു. രാഷ്ട്രീയ അക്രമങ്ങളും അഴിമതിയുമല്ല, പകരം നൈപുണ്യ വികസന പദ്ധതികളും സംരംഭകത പരിശീലനവുംകൊണ്ടുമാത്രമേ കേരളത്തിലെ യുവാക്കള്ക്ക് ഈ മാറ്റം സാധ്യമാക്കാനാവൂ. ഏറെ ദശാബ്ദങ്ങളായി കീഴ്പ്പോട്ട് പൊയ്ക്കോണ്ടിരിക്കുന്ന സാമ്പത്തിക വ്യവസ്ഥ കാരണമാണ് സംസ്ഥാനത്തിന് ഇത്തരത്തില് ഉപഭോക്തൃപദവി കൈവന്നത്. ഇത്തരമൊരു സമ്പദ് വ്യവസ്ഥയില് അനുയോജ്യമായ തൊഴില് ലഭിക്കാതെ വരുമ്പോള് യുവാക്കള് സ്വാഭാവികമായും മറ്റിടങ്ങള് തേടും. കേരളത്തിലെ യുവജനങ്ങളുടെ ശോഭനമായ ഭാവിക്ക് അടിസ്ഥാനപരമായി വേണ്ടത് അവരിലെ നൈപുണ്യ വികസനത്തിനാവശ്യമായ മുതല്മുടക്കാണ്. കേരളത്തില് പ്രസ്തുത പദ്ധതി തുടങ്ങിയതിന് പ്രധാനമന്ത്രിയോടും വകുപ്പ് മന്ത്രി രാജീവ് പ്രതാപ് റൂഡിയോടും രാജീവ് ചന്ദ്രശേഖര് നന്ദി പ്രകടിപ്പിച്ചു. വരാനിരിക്കുന്ന വലിയ അവസരങ്ങള് പ്രയോജനപ്പെടുത്തുന്നതിന് കേരളത്തിലെ യുവജനങ്ങളെ പ്രാപ്തരാക്കുവാന് ഇതുപോലുള്ള കൂടുതല് നൈപുണ്യ വികസന പരിപാടികള് സംഘടിപ്പിക്കുന്നതിന് കേന്ദ്രമന്ത്രിയോടൊപ്പം താനും അണിചേരുന്നതാണെന്നും അദ്ദേഹം പറഞ്ഞു.
കേരളത്തെ ഉത്പാദക സംസ്ഥാനമായി മാറ്റണം: രാജീവ് ചന്ദ്രശേഖര് എംപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.