പുറക്കാട്: പുറക്കാട് എല്പി സ്കൂള് കേന്ദ്രീകരിച്ച് മതപരിവര്ത്തനം നടക്കുന്നതായി ആക്ഷേപം. പുറക്കാട് ജങ്ഷനു സമീപം പ്രവര്ത്തിക്കുന്ന എല്പി സ്കൂള് കേന്ദ്രീകരിച്ചാണ് കഴിഞ്ഞ കുറേ നാളുകളായി ക്രിസ്ത്യന് മതപരിവര്ത്തനം ശക്തമായത്.
കഴിഞ്ഞ ദിവസം പുറക്കാട് കന്നിട്ട കടവില് വന്നു നിന്ന സ്കൂള് ബസില് പുറക്കാട് ജങ്ഷനില് ഇറക്കാമോയെന്നു ചോദിച്ച വൃദ്ധനോട് ബസില് കയറണമെങ്കില് ക്രിസ്തുമതം സ്വീകരിക്കണമെന്ന് ബസിന്റെ ചുമതലക്കാരന് ആവശ്യപ്പെട്ടത്. നൂറുകണക്കിന് വിദ്യാര്ത്ഥികളുള്ള സ്കൂളില് ഏറെയും ഭൂരിപക്ഷ സമുദായത്തില്പ്പെട്ട കുട്ടികളാണ് പഠിക്കുന്നത്.
ഏതാനും മാസം മുമ്പ് എല്ലാ വിദ്യാര്ത്ഥികളും പതിനഞ്ചു രൂപ മുടക്കി കുരിശുമാല വാങ്ങണമെന്ന് ഇവിടുത്തെ അദ്ധ്യാപകര് നിര്ദ്ദേശിച്ചിരുന്നു. ഇതോടൊപ്പം ദളിത് വിഭാഗത്തിലെ കുട്ടികള്ക്ക് വര്ഷത്തില് 2,000 രൂപ സ്കോളര്ഷിപ്പു കിട്ടണമെങ്കില് തങ്ങള് പറയുന്ന സ്ഥാപനത്തിലെ ബില് കൊണ്ടുവരണമെന്നും ആവശ്യപ്പെട്ടിരുന്നു.
ഇതനുസരിച്ച് ക്രിസ്ത്യന് പള്ളിയുമായി ബന്ധമുള്ള കടയുടമയുടെ ബില് വാങ്ങാനിവര് നിര്ബ്ബന്ധിതരായി. സ്കൂളിലെ എല്ലാ കുട്ടികള്ക്കും നിര്ബ്ബന്ധമായും ക്രിസ്ത്യന് പ്രസിദ്ധീകരണങ്ങള് വരുത്തി വായിക്കണമെന്ന നിയമം ഇവിടെ വര്ഷങ്ങളായി നിലനില്ക്കുന്നുണ്ടെങ്കിലും പലരും പ്രതികരിക്കാത്തത് ഇവര്ക്ക് സഹായകരമാവുകയായിരുന്നു.
