കണ്ണൂര്: കേരള സാങ്കേതിക സര്വ്വകലാശാല വിദ്യാര്ത്ഥിളോടു കാണിക്കുന്ന വഞ്ചന അവസാനിപ്പിക്കണമെന്ന് എബിവിപി കണ്ണൂര് ജില്ലാ കണ്വീനര് ടി.വി.പ്രേം സായി. ഡിസംബര് 2ന് നടത്തുമെന്നറിയിച്ച പരീക്ഷകള് തൊട്ടു തലേദിവസം മാറ്റുകയും പിന്നീട് ദേശീയ മാധ്യമങ്ങളിലടക്കം പരീക്ഷ ക്രിസ്തുമസിന് ശേഷമാണെന്ന് വാര്ത്ത വരികയും ചെയ്തു. വിദ്യാര്ത്ഥികള് യൂണിവേഴ്സിറ്റിയില് അന്വേഷിച്ചപ്പോഴും മറുപടി ജനുവരിയിലാണ് പരീക്ഷയെന്ന് പറഞ്ഞു. ഇതിന്റെ അടിസ്ഥാനത്തില് വിദേശത്തു നിന്നുള്ളവരും ആന്ഡമന്, വടക്കു കിഴക്കു സംസ്ഥാനങ്ങളില് നിന്നുള്ള വിദ്യാര്ത്ഥികളും സ്വന്തം സ്ഥലങ്ങളിലേക്ക് തിരികെപ്പോയി. കഴിഞ്ഞ ദിവസമാണ് പരീക്ഷ ഡിസംബര് 13ന് നടത്തുമെന്ന അറിയിപ്പു വന്നത്. ധൃതിപിടിച്ചു പരീക്ഷ നടത്തുന്നതു കൊണ്ട് വിദ്യാര്ത്ഥികള്ക്ക് പഠിക്കാനുള്ള സമയം ലഭിക്കുന്നില്ല. ആന്ഡമാനിലെ കാലാവസ്ഥാപ്രശ്നം കാരണം തിരിച്ചു വരാന് പറ്റാത്ത വിദ്യാര്ത്ഥികള് ഒട്ടനവധിയാണ്. ഈ സാഹചര്യത്തില് പരീക്ഷ നടത്തുന്നത് വിദ്യാര്ത്ഥികളെ ദ്രോഹിക്കാനാണ്. വിസിയും വിദ്യാഭ്യാസമന്ത്രിയും വിദ്യാര്ത്ഥിവഞ്ചനയില് നിന്ന് പിന്മാറണമെന്നും വിദ്യാര്ത്ഥികളുടെ ഭാവിയെ ഇല്ലാതാക്കുന്ന നിലപാടുകള്ക്കെതിരെ ശക്തമായ സമരവുമായി മുന്നോട്ടു പോകുമെന്നും അദ്ദേഹം അറിയിച്ചു.
കേരള സാങ്കേതിക സര്വ്വകലാശാല വിദ്യാര്ത്ഥിളോട് കാണിക്കുന്ന വഞ്ചന അവസാനിപ്പിക്കണം: എബിവിപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.