മുംബൈ: ഇംഗ്ലണ്ടിനെതിരായ നാലാം ക്രിക്കറ്റ് ടെസ്റ്റിന്റെ ഒന്നാം ഇന്നിങ്ങ്സില് ഇന്ത്യക്ക് ലീഡ്. ക്യാപ്റ്റന് വിരാട് േകാഹ്ലിയുടെയും (147 നോട്ടൗട്ട്) ഓപ്പണര് മുരളി വിജയിന്റെയും (136) സെഞ്ചുറി കരുത്തിലാണ് ഇന്ത്യ ലീഡ് നേടിയത്. മൂന്നാം ദിനത്തെ കളിനിര്ത്തുമ്പോള് ടീം ഇന്ത്യ 7 വിക്കറ്റിന് 451 റണ്സ് എന്ന നിലയില്. മൂന്ന് വിക്കറ്റ് കയ്യിലിരിക്കെ 51 റണ്സിന്റെ ലീഡ്. കോഹ്ലിക്കൊപ്പം 30 റണ്സുമായി ജയന്ത് യാദവ് ക്രീസില്.
ഇന്നലെ ഒന്നിന് 146 എന്ന നിലയില് ആദ്യ ഇന്നിങ്ങ്സ് ആരംഭിച്ച ഇന്ത്യക്ക് ഇതേ സ്കോറില് രണ്ടാം വിക്കറ്റ് നഷ്ടമായി. 47 റണ്ണുമായി ബാറ്റിങ്ങ് തുടര്ന്ന ചേതേശ്വര് പൂജാരയാണ് ഒരു റണ് പോലും അധികം കൂട്ടിച്ചേര്ക്കാന് കഴിയാതെ പുറത്തായത്. ജാക്ക് ബാളിന് വിക്കറ്റ്. പിന്നീട് വിജയും കോഹ്ലിയും ചേര്ന്ന് സെഞ്ചുറി കൂട്ടുകെട്ട് പടുത്തുയര്ത്തി. മൂന്നാം വിക്കറ്റില് 116 റണ്സാണ് ഇവര് നേടിയത്. ഇതിനിടെ മുരളി വിജയ് സെഞ്ചുറിയും തികച്ചു. 231 പന്തുകളില് എട്ട് ഫോറും മൂന്ന് സിക്സറും സെഞ്ചുറിക്ക് അകമ്പടിസേവിച്ചു. സ്കോര് 262-ല് എത്തിയപ്പോള് 136 റണ്സെടുത്ത മുരളി വിജയ് മടങ്ങി.
ആദില് റഷിദ് സ്വന്തം ബൗൡങ്ങില് പിടികൂടുകയായിരുന്നു. തുടര്ന്നെത്തിയ കരുണ് നായര് 13ഉം പാര്ത്ഥിവ് പട്ടേല് 15ഉം റണ്സെടുത്ത് അലിക്കും ജോ റൂട്ടിനും വിക്കറ്റ് സമ്മാനിച്ച് മടങ്ങി. റണ്ണൊന്നുമെടുക്കാതെ അശ്വിനെയും റൂട്ട് മടക്കിയതോടെ മൂന്നിന് 278 എന്ന നിലയില് നിന്ന് 6ന് 307 എന്ന നിലയിലായി ഇന്ത്യ. ഇതിനിടെ കോഹ്ലി സെഞ്ചുറിയും തികച്ചു. 187 പന്തില് നിന്ന് 11 ബൗണ്ടറികളോടെയാണ് കോഹ്ലി ശതകം തികച്ചത്.
കരിയറിലെ 15-ാം ടെസ്റ്റ് സെഞ്ചുറിയാണ് കോഹ്ലി ഇന്നലെ നേടിയത്. പിന്നീട് കോഹ്ലി 25 റണ്സെടുത്ത രവീന്ദ്ര ജഡേജക്കൊപ്പം 57 റണ്സ് കൂട്ടിച്ചേര്ത്തു. സ്കോര് 264-ല് എത്തിയപ്പോള് ജഡേജയെ റഷിദ് ബട്ട്ലറുടെ കൈകളിലെത്തിച്ചു. തുടര്ന്ന് ജയന്ത് യാദവിനെ കൂട്ടുപിടിച്ചാണ് കോഹ്ലി സ്കോര് 451-ല് എത്തിച്ചത്. ഇംഗ്ലണ്ടിനായി ജോ റൂട്ട്, ആദില് റഷീദ്, മോയിന് അലി എന്നിവര് രണ്ട് വിക്കറ്റ് വീതം വീഴ്ത്തി.
