പുന്നപ്ര: തമിഴ്നാട് മുഖ്യമന്ത്രി ജയലളിതയുടെ മരണത്തെത്തുടര്ന്ന് പൊതു അവധി പ്രഖ്യാപിച്ച ദിവസം പുന്നപ്ര വടക്കുപഞ്ചായത്ത് കമ്മറ്റി വിളിച്ചുചേര്ത്തതിനെതിരെ ബിജെപിയംഗം ജില്ലാകളക്ടര്ക്ക് പരാതി നല്കി. സര്ക്കാര് പൊതു അവധി പ്രഖ്യാപിച്ചതിനെത്തുടര്ന്ന് യോഗം നടത്തുന്നില്ലെന്നാണ് ആദ്യം അറിയിച്ചിരുന്നത്. പിന്നീട് പ്രതിപക്ഷ അംഗങ്ങളെ അറിയിക്കാതെ ഉച്ചയ്ക്കുശേഷം രഹസ്യമായി കമ്മറ്റി വിളിച്ചു ചേര്ത്ത് തീരുമാനമെടുക്കുകയായിരുന്നു. ഹരിതകേരളം പദ്ധതിയുടെ ഉദ്ഘാടനവുമായി ബന്ധപ്പെട്ടാണ്അടിയന്തരമായി യോഗം ചേര്ന്നത്. കാലേകൂട്ടി പഞ്ചായത്ത് കമ്മറ്റി വിളിച്ചു ചേര്ത്ത് തീരുമാനമെടുക്കുന്നതില് പ്രസിഡന്റും ഭരണസമിതിയും പരാജയപ്പെട്ടു. ഇതു മറച്ചുവയ്ക്കുന്നതിനാണ് സര്ക്കാരിന്റെ അവധി പ്രഖ്യാപനത്തിന് പുല്ലുവില നല്കി ഇടതുപക്ഷം ഭരിക്കുന്ന പഞ്ചായത്തില് കമ്മറ്റി ചേര്ന്നത്. മന്ത്രി ജി. സുധാകരന്റെ സ്വന്തം പഞ്ചായത്തിലാണ് ഈ നടപടി. ഇതിനെതിരെ ബിജെപിയംഗം എല്.പി. ജയചന്ദ്രന് ജില്ലാകളക്ടര്ക്ക് പരാതി നല്കി. അതിനിടെ ഹരിതകേരളം പദ്ധതി സിപിഎം പദ്ധതിയാക്കി മാറ്റുന്നതിനുള്ള ശ്രമങ്ങളും തുടങ്ങിക്കഴിഞ്ഞു.
ദുഃഖാചരണ ദിനത്തില് യോഗം: പരാതി നല്കി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.