കട്ടപ്പന: കട്ടപ്പന നഗരസഭയിലെ മാലിന്യപ്രശ്‌നങ്ങള്‍ക്ക് പരിഹാരമായില്ല. നഗരസഭ മിനിസ്റ്റേഡിയത്തിന്റെ പിന്‍ഭാഗം മാലിന്യത്താല്‍ നിറയുന്നു.
ഇവിടം ഇപ്പോള്‍ പൊതുജനങ്ങള്‍ മലമൂത്ര വിസര്‍ജനത്തിനായി ഉപയോഗിക്കുകയാണ്. നഗരസഉഭയുടെ ഹൃദയഭാഗത്ത് സ്ഥിതിചെയ്യുന്ന മിനിസ്‌റ്റേഡിയത്തിന് പിന്നിലായാണ് മാലിന്യപ്രശ്‌നം രൂക്ഷമായിരിക്കുന്നത്. മിനിസ്റ്റേഡിയത്തിലെ സ്റ്റേജിന് പിന്‍വശത്തായി ഭക്ഷണാവശിഷ്ടങ്ങളും പ്ലാസ്റ്റിക് മാലിന്യങ്ങളും കൊണ്ട് നിറയുകയാണ്. ഇതിന് പുറമെയാണ് പൊതുജനങ്ങള്‍ മലമൂത്രവിസര്‍ജ്ജനത്തിനായി ഇവിടെ ആശ്രയിക്കുന്നത്. ഇതോടെ രൂക്ഷ ഗന്ധമാണ് ഇവിടെ നിന്നും ഉാകുന്നത്.
ഹൗസിങ് ബോര്‍ഡിന്റെ പാര്‍ക്കിങ് ഏരിയയും ഇവിടെയാണ് ഒരുക്കിയിരിക്കുന്നത് അതുകൊണ്ട് തന്നെ വാഹനങ്ങളുടെ മറവില്‍ കാര്യം സാധിക്കുകയാണ് പലരും. മിനിസ്റ്റേഡിയത്തിന്റെ പിന്‍വശത്തായുള്ള മാലിന്യപ്രശ്‌നം നിരവധി തവണ നഗരസഭയുടെ ശ്രദ്ധയില്‍പെടുത്തിയെങ്കിലും നടപടിയെടുക്കാന്‍ അധികൃതര്‍ തയ്യാറാകുന്നില്ലാ. മാലിന്യങ്ങള്‍ ഇവിടെ നിക്ഷേപിക്കുന്നവര്‍ക്കെതിരെയും, പ്രേദേശത്ത് മലമൂത്രവിസര്‍ജ്ജനം നടത്തുന്നവര്‍ക്കെതിരെയും നടപടി സ്വീകരിക്കണമെന്നാണ് സമിപത്ത് ജോലി ചെയ്യുന്ന ആളുകളുടെ ആവശ്യം.
