ആലപ്പുഴ: കഴിഞ്ഞ രണ്ടര മാസത്തിനിടെ എക്സൈസ് വകുപ്പ് ജില്ലയില് 3,231 റെയ്ഡുകള് നടത്തി. 758 അബ്കാരി കേസ്സുകളും, 56 എന്ഡിപിഎസ് കേസ്സുകളും രജിസ്റ്റര് ചെയ്തു. ഈകേസ്സുകളില് 904 പേരെ പ്രതികളായി ചേര്ക്കുകയും, അതില് 853 പേരെ അറസ്റ്റ് ചെയ്യുകയും ചെയ്തു. 102.100 ലിറ്റര് ചാരായവും, 454 ലിറ്റര് വിദേശമദ്യവും, 3,130 ലിറ്റര് കോടയും, 7.115 കിലോ കഞ്ചാവും, 110.9 ലിറ്റര് അരിഷ്ടവും, 188.5 ലിറ്റര് ബിയറും പാക്കറ്റ് ഹാന്സുമാണ് പിടിച്ചെടുത്തത്.
ഇക്കാലയളവില് 8, 367 വാഹന പരിശോധനകള് നടത്തുകയും വ്യാജ മദ്യം കടത്തുന്നതിന് ഉപയോഗിച്ച 13 ബൈക്ക്, 2 കാര്, ഒരു ടാറ്റാ എയ്സ് വാഹനങ്ങള് പിടിച്ചെടുത്തു.
പൊതുജനങ്ങള് നല്കുന്ന പരാതികളുടേയും, വിവരങ്ങളുടെയും, അടിസ്ഥാനത്തില് നടത്തിയ പരിശോധനകളില് 80 കേസ്സുകള് വിവിധ റേഞ്ചുകളിലായി കണ്ടുപിടിച്ചു. പൊതുസ്ഥലങ്ങളില് മദ്യപിച്ച കുറ്റത്തിന് വിവിധ റേഞ്ചുകളിലായി 575 കേസുകളും കായല് ടൂറിസവുമായി ബന്ധപ്പെട്ട 3 എന്ഡിപിഎസ് കേസുകളും രജിസ്റ്റര് ചെയ്തു. 739 കോപ്റ്റ കേസുകള് ഇക്കാലയളവില് രജിസ്റ്റര് ചെയ്യുകയും 147800/- രൂപ ഫൈന് ഈടാക്കി. പൊതുജനങ്ങള് നല്കുന്ന പരാതികളുടേയും, പത്രമാധ്യമങ്ങളില് വരുന്ന വാര്ത്തകളുടേയും, എക്സൈസ് ഇന്റലിജന്സ് ഉദ്യോഗസ്ഥന്മാര് ശേഖരിക്കുന്ന വിവരങ്ങളുടേയും അടിസ്ഥാനത്തില് അന്വേഷണങ്ങളും, അനന്തര നടപടികളും, സ്വീകരിച്ചു വരുന്നതായി ഡെപ്യൂട്ടി കമ്മീഷണര് അറിയിച്ചു.
ജില്ലയിലെ വിവിധ സ്കൂളുകളിലും കോളേജുകളിലുമായി ലഹരിവിരുദ്ധ കഌബ്ബുകള് പ്രവര്ത്തിക്കുന്നു. 77 ബോധവല്ക്കരണ കഌസ്സുകള് നടത്തി. ഈ കാലയളവില് ജില്ലയില് പഞ്ചായത്ത് തലത്തിലുള്ള 109 യോഗങ്ങള് ചേര്ന്നു.
കളളുഷാപ്പുകള് നിയമ വിരുദ്ധമായി പ്രവര്ത്തിക്കുന്നുവെന്ന പരാതിയില്, ലൈസന്സ് വ്യവസ്ഥകള്ക്ക് വിപരീതമായി പ്രവര്ത്തിച്ചതിന് 15 കേസുകള് വിവിധ റേഞ്ചുകളിലായി കളളുഷാപ്പുകള്ക്കെതിരെ രജിസ്റ്റര് ചെയ്തിട്ടുണ്ട്. മെഡിക്കല് സ്റ്റോറുകള് കേന്ദ്രീകരിച്ച് പരിശോധന നടത്തണമെന്നുളള മുന്യോഗത്തിലെ പരാതിയില് മെഡിക്കല് സ്റ്റോറുകള് കേന്ദ്രീകരിച്ച് പരിശോധന നടത്തുന്നുണ്ട്.
