പുല്പ്പള്ളി : വയനാടിന്റെ പേര് പഴശ്ശിനാട് എന്നാക്കണമെന്ന് പ്രശസ്ത ചലചിത്ര സംവിധായകന് അലി അക്ബര്. ബാലഗോകുലത്തിന്റെ ആഭിമുഖ്യത്തില് പഴശ്ശി രാജാവിന്റെ 212ാമത് വീരാഹൂതി ദിനാചരണത്തോടനുബന്ധിച്ച് പുല്പ്പള്ളിയില് നടന്ന അനുസ്മരണ സമ്മേളനത്തില് മുഖ്യ പ്രഭാഷണം നടത്തുകയായിരുന്നു അദ്ദേഹം. നമ്മുടെ സാമ്പത്തികം കാര്ന്നുതിന്നുന്നതിനുവേണ്ടി രാജ്യത്ത് പ്രവേശിക്കുകയും നമ്മുടെ സ്വത്തുക്കള് കൊള്ളയടിക്കുകയും ചെയ്ത വൈദേശിക ശക്തികളെ വെള്ളപൂശാനാണ് സംസ്ഥാന ഭരണ കര്ത്താക്കളുടെ ശ്രമം. പരിഷ്കൃത സമൂഹങ്ങളെല്ലാം ചരിത്രത്തോട് നീതി പുലര്ത്തു മ്പോള് മലയാളികള് ഇന്നും ചരിത്രത്തിന് പുറംതിരിഞ്ഞുനില്ക്കുകയാണെന്നും അദ്ദേഹം പറഞ്ഞു.
ആര്എസ്എസ് താലൂക്ക് സംഘചാലക് വി.മധു അദ്ധ്യക്ഷത വഹിച്ചു. ബിജെപി ജില്ലാ വൈസ് പ്രസിഡന്റ് പി.പത്മനാഭന്, കെ.നന്ദന് തുടങ്ങിയവര് പ്രസംഗിച്ചു.
വാല്മീകി വിദ്യാനികേതന്, ശ്രീനാരായണ വിദ്യാനികേതന്, അമൃത വിദ്യാലയം, പഴശ്ശിരാജ കോളേജ്, തുടങ്ങിയ വിദ്യാലയങ്ങളിലെ കുട്ടികളും സാമൂഹ്യ-രാഷ്ട്രീയ പ്രവര്ത്തകരും ചേര്ന്ന് സ്മൃതിയാത്രയും പുഷ്പാര്ച്ചനയും നടത്തി.
