ഇടവെട്ടി: പഞ്ചായത്തിലെ തന്നെ പ്രധാന ജലസ്രോതസ്സായ വലിയ തോട്ടിലെ വെള്ളം കലങ്ങി മറിഞ്ഞ് ഒഴുകാന് തുടങ്ങിയിട്ട് ഒരാഴ്ച പിന്നിടുന്നു. നൂറുക്കണക്കിന് പ്രദേശവാസികള് കുളിക്കുന്നതിനും അലക്കുന്നതിനുു
ം ഉപയോഗിക്കുന്ന വെള്ളമാണ് ഇത്തരത്തില് ഉപയോഗ ശൂന്യമായത്. പഞ്ചായത്തിലെ മരവെട്ടി ചുവടിന് സമീപം നടക്കുന്ന സംരക്ഷണ ഭിത്തി നിര്മ്മാണ് വെള്ളം കലങ്ങുന്നതിന് കാരണം.
നവംബര് പാതിയോടെ ഇടവിട്ട ദിവസങ്ങളില് വെള്ളം കലങ്ങി ഒഴുകിയിരുന്നെങ്കിലും നിലവില് ദിവസങ്ങളായി ചെളി കലങ്ങിയാണ് ഒഴുകുന്നത്. തോട് തൊണ്ടിക്കുഴ സ്കൂളിന് സമീപത്ത് കൂടെ ഒഴുകി മറ്റൊരു തോടുമായി രണ്ട്പാലത്ത് വെച്ച് ചേരുകയാണ്. ഇവിടങ്ങളില് എല്ലാം വെള്ളം കലങ്ങി മറിഞ്ഞാണ് ഒഴുകുന്നത്. വെള്ളം തീരെ കുറവുള്ള വലിയതോട് എന്നറിയപ്പെടുന്ന ഇവിടെ ദിവസവും മറ്റ് സ്ഥലങ്ങളില് നിന്ന് പോലും ആളുകള് കുളിക്കുന്നതിനുമായി എത്തുന്നുണ്ട്. അടുത്തക്കാലത്തായാണ് തോട്ടില് ഇത്രയധികം വെള്ളം കുറയുന്നതെന്നും നാട്ടുകാര് പറയുന്നു. വെള്ളം ചെളിനിറമായതോടെ കുളിക്കാനും അലക്കാനും വെള്ളമില്ലാതെ കുഴയുകയാണ് നാട്ടുകാര്. പൈപ്പില് വെള്ളമില്ലാത്തതും കനാലില് വെള്ളം എത്താതതും ജനങ്ങളെ സാരമായി വലയ്ക്കുന്നുണ്ട്. സംഭവത്തെക്കുറിച്ച് തിരക്കിയപ്പോള് വെള്ളം കലങ്ങി ഒഴുകുന്നതിന്റെ കാരണം അറിയില്ല എന്നാണ് പഞ്ചായത്ത് പ്രസിഡന്റ് ലത്തീഫ് മുഹമ്മദ് പറഞ്ഞത്. അതേ സമയം മൈനര് ഇറിഗേഷന് വകുപ്പിന്റെ നിര്മ്മാണം പ്രവര്ത്തനങ്ങള് നടക്കുന്നതിനാലാണ് വെള്ളം കലങ്ങിയതെന്നും ഒരാഴ്ചയിലധികം എടുക്കും പണി തീരാനെന്നുമാണ് മൂന്നാം വാര്ഡ് മെമ്പര് അശ്വതി ആര് നായര് പറഞ്ഞത.്
വെള്ളത്തിന് ഇത്രയും ക്ഷാമം നേരിടുന്ന സമയത്ത് ഇത്തരത്തില് ഉള്ള ജലസ്രോതസ്സുകൂടി ഉപയോഗ ശൂന്യമാക്കിയതില് ജനങ്ങള്ക്കിടയില് പ്രതിക്ഷേധം ശക്തമാണ്.സാധാരണ സമയങ്ങളില് കനാലില് വെള്ളം ഉണ്ടാകാറുള്ളത് ആശ്വാസമായിരുന്നെങ്കിലും ഇത്തവണ നിര്മ്മാണ പ്രവര്ത്തനങ്ങള് നടന്നത് മൂലം വെള്ളം തുറന്ന് വിടേണ്ടി വന്നത് തിരിച്ചടിയായി. വര്ഷം മുഴുവന് തോട്ടിലേക്ക് മലങ്കര കനാലില് നിന്നും വെള്ളം വിട്ട് കൊണ്ടിരുന്നത് ചോര്ച്ച മൂല
ം നിര്ത്തുകയായിരുന്നു. എന്നാല് ഇതിന്റ നിര്മ്മാണം എങ്ങും എത്തിയിട്ടുമില്ല.
