കാക്കനാട്: കാക്കനാട് സീ പോര്ട്ട് എയര്പോര്ട്ട് റോഡില് അപകടങ്ങള് പെരുകുന്നു. കാക്കനാട് സിവില് സേറ്റഷനും ഭാരതമാത കോളജിനും ഇടക്ക് ഏകദേശം ഒന്നര രണ്ട് കിലോമീറ്ററിനുള്ളിലാണ് കഴിഞ്ഞദിവസം മൂന്ന് അപകടങ്ങള് നടന്നത്. ആദ്യത്തെ അപകടത്തില്പ്പെട്ടത് തൃക്കാക്കര നഗരസഭ ചെയര്പേഴ്സണ് കെ.കെ. നീനുവായിരുന്നു. ബൈക്കിന് പിന്നില് നിന്ന് വീണായിരുന്നു ചെയര്പേഴ്ണ് പരിക്കേറ്റത്. ബൈക്ക് നിയന്ത്രണം വിട്ട് മറിയുകയായിരുന്നു. രണ്ടാമത്തെ അപകടം രാത്രി ഏഴോടെയാണ്. അപകടത്തില് സ്പെഷല് ബ്രാഞ്ച് എസ്ഐക്ക് ജീവന് നഷ്ടമായി. ബൈക്കില് ടൂറിസ്റ്റ് ബസ് ഇടിച്ചു എസ്ഐ പുത്തന്കുരിശ് പാങ്കോട് വെട്ടുകാട്ടില് വി.വി. ജോര്ജ് (55) ആണ് മരിച്ചത്. തൃക്കാക്കരയില് നിന്നു പാങ്കോട്ടെ വീട്ടിലേക്കു പോകും വഴിയായിരുന്നു അപകടം.
മൂന്നമത്തെ അപകടത്തില്പ്പെട്ടത് വീട്ടമ്മയാണ്. രാത്രി ഏഴേ കാലോടെ കാക്കനാട് ജില്ലാ പഞ്ചായത്തിന് സമീപം റോഡ് മുറിച്ചു കടക്കുന്നതിനിടെ അമിത വേഗത്തിലത്തെിയ ബൈക്ക് ഇടിച്ച് തെറിപ്പിക്കുകയായിരുന്നു. ഭാരമാത കോളജന് സമീപം ഫഌറ്റില് താമസിക്കുന്ന റോസ് മേരി(37)യാണ് അപകടത്തില് ഗുരുതരമായി പരിക്കേറ്റത്. തലക്ക് ഗുരുതരമായി പിരിക്കേറ്റ വീട്ടമ്മ ചികിത്സയിലാണ്. വഴിവിളക്കുകള് ഇല്ലാത്തതാണ് അപകടത്തിന് കാരണം. ഓലിമുകള് ജുമാമസ്ജിദിന് സമീപം മുതല് റോഡിലെ ടാര് പൊങ്ങി മുഴകള് രൂപപ്പെട്ടിരിക്കുന്നതാണ് പലപ്പോഴും ഇരുചക്ര വാഹനങ്ങളെ അപകടത്തിന് ഇടയാക്കുന്നത്. ടാര് റോഡിന് അടിയില് രൂപപ്പെടുന്ന മര്ദ്ദമാണ് കാരണം. റോഡിലെ മുഴകള് പ്രതീക്ഷിക്കാതെ അമിത വേഗത്തില് കടന്നു പോകുന്ന ഇരു ചക്ര വാഹനങ്ങളാണ് അപകടത്തില്പ്പെടുന്നത്.
