വാഷിങ്ടണ്: മനുഷ്യക്കടത്തിന് അമേരിക്കയിലെ ഇന്ത്യന് ദമ്പതികള്ക്കെതിരെ കേസ്. സതീഷ് കാര്തന്(43), ഭാര്യ ശര്മ്മിഷ്ട ഭാരായി(38) എന്നിവര്ക്കെതിരെയാണ് ഫെഡറല് ഗ്രാന്ഡ് ജൂറി കുറ്റം ചുമത്തിയിരിക്കുന്നത്.
ഇന്റര്നെറ്റിലും ഇന്ത്യന് പത്രങ്ങളിലും അമേരിക്കയില് വീട്ട് ജോലിക്കായി ആളുകളെ ക്ഷണിക്കുകയും റിക്രൂട്ട് ചെയ്യുകയും ചെയ്തു. തൊഴിലാളികളുടെ വേതനവും തൊഴില് സമയവും സൗകര്യങ്ങളും സംബന്ധിച്ച് തെറ്റായ വിവരങ്ങളാണ് പരസ്യത്തില് നല്കിയിരുന്നത്. ഇവരുടെ വീടുകളില് ജോലിക്കാരെക്കൊണ്ട് 18 മണിക്കൂര് വരെ ജോലി ചെയ്യിക്കുമായിരുന്നു. വിശ്രമവും ഭക്ഷണവും വളരെ കുറച്ച് മാത്രമെ നല്കിയിരുന്നുമുള്ളു. ഇവര്ക്ക് കൃത്യമായി വേതനവും യാതൊരു ആനുകൂല്യങ്ങളും നല്കിയിരുന്നില്ല.
ഇവര് തൊഴിലാളിയെ മര്ദ്ദിക്കുകയും കൈ ഗ്യാസ് അടുപ്പില് വച്ച് പൊള്ളിക്കുകയും ചെയ്ത നിരവധി സംഭവങ്ങള് ഉണ്ടായിട്ടുണ്ടെന്നും കുറ്റപ്പത്രത്തില് പറയുന്നു. കുറ്റം തെളിഞ്ഞാല് 20 വര്ഷം തടവും 1,70,08750 രൂപ (250000 യുഎസ് ഡോളര്) പിഴയും ലഭിക്കാവുന്ന കുറ്റമാണിത്.
