ആലപ്പുഴ: നഗരസഭയില് കൊറ്റംകുളങ്ങര – തലവടി റോഡില് മിയാത്ത് ജങ്ഷനില് അനധികൃതമായി കുരിശടി നിര്മ്മിക്കുന്നു. ഭാവിയിലെ റോഡ് വികസനത്തെ നിര്മ്മാ ണം ബാധിക്കുമെന്ന് വിഎച്ച്പി ആലപ്പുഴ താലൂക്ക് സമിതി ചൂണ്ടിക്കാട്ടി.
നഗരസഭയുടെയും പിഡബ്ല്യൂഡിയുടെയും അനുമതിയില്ലാതെയാണ് കുരിശടി നിര്മ്മിക്കുന്നത്. റോഡില് നിന്നും മൂന്നു മീറ്റര് ഉള്ളിലേക്ക് ഇറക്കിവേണം കെട്ടിടം പണിയേണ്ടത് എന്ന നിയമം നിലനില്ക്കെയാണ് ഇത് പണിയുന്നത്. ഒരു ബസിനുപോലും സഞ്ചാരയോഗ്യമല്ലാത്ത നാലുംകൂടിയ കവലയാണിത്. സ്വാര്ത്ഥ താത്പര്യക്കാരുടെയും മുനിസിപ്പല് കൗണ്സിലറുടെയും ചെയര്മാന്റെയും ഒത്താശയോടെയാണ് ഈ കുരിശടി നിര്മ്മിക്കുന്നത്.
മത സ്ഥാപനത്തിന്റെ കീഴിലുള്ള ഈ കുരിശടി ഭാവിയിലെ വികസനത്തിന് പൊളിച്ചുമാറ്റാന് കഴിയുകയില്ല. വര്ഗ്ഗീയ ധ്രൂവീകരണത്തിന് നാളെ ഇടവരുത്താന് സാദ്ധ്യതയുണ്ട്. നിയമവിരുദ്ധമായ ഈ നടപടി നിര്ത്തിവയ്ക്കണമെന്ന് വിശ്വഹിന്ദു പരിഷത്ത് ആവശ്യപ്പെട്ടു. അല്ലാത്തപക്ഷം അനധികൃത കുരിശടി നിര്മ്മാണത്തിനെതിരെ പ്രക്ഷോഭം സംഘടിപ്പിക്കുമെന്നും കമ്മറ്റി തീരുമാനിച്ചു.
താലൂക്ക് പ്രസിഡന്റ് കെ.എസ്. ദിനേശന്, ജില്ലാ സെക്രട്ടറി എം. ജയകൃഷ്ണന്, താലൂക്ക് സെക്രട്ടറി കെ.വി.രാജു എന്നിവര് സംസാരിച്ചു.
