ശ്രീകണ്ഠാപുരം: വയലില് കൃഷി ചെയ്യാനെത്തിയ സ്ത്രീ ഉള്പ്പെടെയുള്ളവരെ സിപിഎം സംഘം മര്ദ്ദിച്ചു. നെടുങ്ങോത്തെ ഇ.പി.കുഞ്ഞമ്പു നമ്പ്യാര്, ഇ.പി.പുരുഷോത്തമന് എന്നിവരുടെ ഉടമസ്ഥതയിലുള്ള വയലില് കൃഷിചെയ്യാനെത്തിയ കുഞ്ഞമ്പു നമ്പ്യാരുടെ ഭാര്യ സി.ആര്.മീനാക്ഷി, ഇ.പി.പുരുഷോത്തമന് എന്നിവരെയാണ് ഒരുസംഘം സിപിഎമ്മുകാര് കഴിഞ്ഞദിവസം മര്ദ്ദിച്ചത്. നേരത്തെ സ്ഥലമുടമയുടെ അനുവാദമില്ലാതെ സിപിഎമ്മുകാരുടെ നേതൃത്വത്തില് ഇവിടെ റോഡ് നിര്മ്മിക്കുന്നതിനുള്ള നീക്കം നടന്നിരുന്നു. ഇതിനെതിരെ സ്ഥലമുടമ പരാതി നല്കിയതിനെ തുടര്ന്ന് പണി താല്ക്കാലികമായി നിര്ത്തിവെക്കുകയായിരുന്നു. റോഡ് പണിയുടെ ഭാഗമായി വയലില് ഇറക്കിവെച്ച കല്ലുകള് കൃഷിപ്പണിയുടെ ഭാഗമായി മാറ്റാന് സ്ഥലം ഉടമകളെ സിപിഎം പ്രവര്ത്തകര് അനുവദിച്ചിരുന്നില്ല. കല്ല് മാറ്റുന്നതിനിടയിലാണ് സിപിഎമ്മുകാരായ ഇ.പി.മോഹനന്, കെ.സി.ഗോപാലന്, സി.നാരായണന്, കെ.പി.നാരായണന്, നാരായണന് മുതുകുറ്റി എന്നിവരുടെ നേതൃത്വത്തിലുള്ള സിപിഎം സംഘം മര്ദ്ദിച്ചത്. മര്ദ്ദനത്തില് പരിക്കേറ്റ ഇരുവരെയും ആശുപത്രിയില് പ്രവേശിപ്പിച്ചു. റോഡ് പണിക്കെതിരെ അധികൃതര്ക്ക് പരാതി നല്കിയിട്ടും ശക്തമായ നടപടികള് സ്വീകരിക്കാത്തതാണ് അക്രമത്തിന് കാരണമായത്.
വയലില് കൃഷി ചെയ്യാനെത്തിയ സ്ത്രീ ഉള്പ്പെടെയുള്ളവരെ സിപിഎം സംഘം മര്ദ്ദിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.