ന്യൂദല്ഹി: രാജ്യത്ത് 500, 1000 രൂപ നോട്ടുകള് അസാധുവാക്കിയ കേന്ദ്ര സര്ക്കാര് നടപടിയെക്കുറിച്ച് രാജ്യസഭയില് ചര്ച്ച തുടങ്ങി. രാജ്യസഭ സമ്മേളിച്ചപ്പോള് തന്നെ ചര്ച്ചയ്ക്ക് അനുമതി നല്കുകയായിരുന്നു.
കോണ്ഗ്രസ് നേതാവ് ആനന്ദ് ശര്മ്മയാണ് പ്രതിപക്ഷത്ത് നിന്നും ആദ്യം സംസാരിച്ചത്. കേന്ദ്ര സര്ക്കാര് രാജ്യത്ത് സാമ്പത്തിക അരാജകത്വം സൃഷ്ടിച്ചിരിക്കുകയാണ്. നോട്ടുകള് അസാധുവാക്കാന് പോകുന്നുവെന്ന വിവരം പ്രധാനമന്ത്രിയുടെ അടുപ്പക്കാര്ക്ക് നേരത്തേതന്നെ കിട്ടിയെന്ന് ആനന്ദ് ശര്മ്മ പറഞ്ഞു. പ്രധാനമന്ത്രിയുമായി അടുപ്പമുള്ള ഒരു പത്രം കഴിഞ്ഞ ഏപ്രില് മാസത്തില് തന്നെ ഇതുസംബന്ധിച്ച വാര്ത്ത റിപ്പോര്ട്ട് ചെയ്തിരുന്നു.
സ്വന്തം പണം ബാങ്കില് ഇടാന് പോകുന്നവരോട് അത് പറ്റില്ലെന്ന് പറയാന് പ്രധാനമന്ത്രിക്ക് എന്ത് അധികാരമാണുള്ളതെന്നും ആനന്ദ് ശര്മ്മ പറഞ്ഞു. ഇന്ന് വൈകുന്നേരം ആറ് മണിവരെ ഈ വിഷയത്തില് ചര്ച്ച തുടരും. ചര്ച്ച പൂര്ത്തിയായില്ലെങ്കില് നാളെയും തുടരും.
