കോട്ടയം: സത്യസായിബാബയുടെ ജന്മദിനത്തോടനുബന്ധിച്ച് കോട്ടയം സത്യസായി സേവാസമിതിയുടെ ആഭിമുഖ്യത്തില് 17 മുതല് 23 വരെ 21-ാമത് ശ്രീസായി ഭാഗവത സപ്താഹയജ്ഞം തിരുനക്കര സ്വാമിയാര് മഠത്തിലെ ശ്രീരാമഹനുമദ് ദേവസ്ഥാനത്ത് നടക്കും. മഠാധിപതി വാസുദേവ ബ്രഹ്മാന്ദതീര്ത്ഥസ്വാമിയാര് യജ്ഞമണ്ഡപത്തില് ഭദ്രദീപം തെളിയിക്കും. തുടര്ന്ന് റ്റി. എസ്. പരമേശ്വരനും സംഘവും വേദപാരായണം നടത്തും.
17ന് രാവിലെ 9ന് സത്യസായി സംഘടന ജില്ലാ പ്രസിഡന്റ് പി.കെ. സുകുമാരപിള്ളയുടെ അദ്ധ്യക്ഷതയില് കൂടുന്ന വിളംബര സമ്മേളനം ഡോ. പി.വി. വിശ്വനാഥന് നമ്പൂതിരി ഉത്ഘാടനം ചെയ്യും. സി. പി. മധുസൂദനനും, യജ്ഞാചാര്യന് എന്. സോമശേഖരനും പ്രഭാഷണം നടത്തും. കണ്വീനര് പി. ഡി. പ്രേംദാസും ജില്ലാ യുവജന മഹിളാപ്രതിനിധി ശാലിനി ശേഖറും പ്രസംഗിക്കും. ഏഴു ദിവസങ്ങളിലായി പതിനേഴോളം ആചാര്യന്മാര് വിവിധ വിഷയങ്ങളെ കുറിച്ച് പ്രഭാഷണം നടത്തും.
എല്ലാ ദിവസവും രാവിലെ 5.20 മുതല് ഓങ്കാരം, സുപ്രഭാതം, നഗരസങ്കീര്ത്തനം, സഹസ്രനാമജപം, അര്ച്ചന. 8 മുതല് 9 വരെയും ഉച്ചക്ക് 1 മുതല് 2 വരെയും 25 ഓളം നാരായണീയ സമിതികളുടെ നേതൃത്വത്തില് നാരായണീയ പാരായണം. വൈകിട്ട് 3.30 മുതല് 4. 30 വരെ പ്രഭാഷണം.
17ന് വൈകിട്ട് 4.30ന് സോപാനസംഗീതം. 18ന് നവീന അഷ്ടപദികച്ചേരി, 19ന് ഗാനാമൃത മാലിക. 20ന് ത്യാഗരാജപഞ്ചരത്ന കീര്ത്തനാലാപനം, 21ന് ഭജന, 22ന് സംഗീതസന്ധ്യ. 23ന് സത്യസായി ജന്മദിനം. പതിവു പരിപാടികള്ക്കു പുറമേ ഗവ. മോഡല് സ്കൂളിലെ തെരഞ്ഞെടുത്ത കുട്ടികള്ക്ക് സ്കോളര്ഷിപ്പ് വിതരണം. വൈകിട്ട് തിരുനാള് ഭജന് സന്ധ്യ, യജ്ഞ സമര്പ്പണം, മംഗളാരതി.
