ന്യൂദൽഹി: ബംഗ്ലാദേശിൽ ഹിന്ദുക്കൾക്കെതിരെ അരങ്ങേറുന്ന അതിക്രമങ്ങളിൽ ആശങ്കപ്പെട്ട് ഭാരതം. ഇതിന് നടപടിയെന്നോണം ഭാരതത്തിന്റെ വിദേശകാര്യമന്ത്രി സുഷമ സ്വരാജ് ധാക്കയിലെ ഭാരത ഹൈക്കമ്മീഷണറോട് ഭാരതത്തിനുള്ള ആശങ്ക ബംഗ്ലാദേശ് പ്രധാനമന്ത്രി ഷെയ്ക്ക് ഹസീനയെ ധരിപ്പിക്കാൻ നിർദ്ദേശം നൽകി.
“താൻ ഭാരതത്തിന്റെ ധാക്കയിലെ ഹൈക്കമ്മീഷണറെ വിളിച്ച് ബംഗ്ലാദേശിൽ ഹിന്ദുക്കൾക്കെതിരെ അരങ്ങേറിക്കൊണ്ടിരിക്കുന്ന അതിക്രമങ്ങളെപ്പറ്റിയുള്ള ആശങ്ക പ്രധാനമന്ത്രി ഷെയ്ക്ക് ഹസീനയെ അറിയിക്കണമെന്ന് നിർദ്ദേശം നൽകിയിട്ടുണ്ട്'”- സുഷമ ട്വിറ്ററിൽ കുറിച്ചു.
കഴിഞ്ഞ ദിവസം ബ്രാഹ്മൺബാര്യ ജില്ലയിൽ അക്രമികൾ വ്യാപകമായി ഹിന്ദുക്കൾക്കെതിരെ ആക്രമണം അഴിച്ച് വിട്ടിരുന്നു. മേഖലയിൽ ഹിന്ദുക്കളുടെ നിരവധി വീടുകളും രണ്ടു ക്ഷേത്രങ്ങളും അജ്ഞാതർ അഗ്നിക്കിരയാക്കിയിരുന്നു.
തുടര്ച്ചയായ ആക്രമണങ്ങളിലും കൊലപാതകങ്ങളിലും ഭയന്ന് ബംഗ്ലാദേശിലെ ഹിന്ദുക്കള് കൂട്ടപ്പലായനത്തിനൊരുങ്ങിയ അവസ്ഥയാണ് നിലനിൽക്കുന്നത്. കഴിഞ്ഞ ഏതാനും മാസങ്ങളിലായി 30-ല് പരം ഹിന്ദുക്കളെയാണ് ഭീകരര് വധിച്ചത്.
I have asked Indian High Commissioner in Dhaka to call on the Prime Minister and express our grave concern about /1 @templetree1
— Sushma Swaraj (@SushmaSwaraj) November 6, 2016
