ന്യൂദല്ഹി: രാജ്യത്തെ 11,319 സര്ക്കാരിത സംഘടനകളുടെ (എന്ജിഒ) വിദേശസഹായം വാങ്ങാനുള്ള എഫ്സിആര്എ അക്കൗണ്ടുകള് കേന്ദ്രസര്ക്കാര് റദ്ദാക്കി. മതിയായ രേഖകള് സമര്പ്പിക്കാതെ രജിസ്ട്രേഷന് പുതുക്കാനാവാതെ വന്ന സ്ഥാപനങ്ങള്ക്കാണ് വിലക്ക്. നവംബര് 1 മുതല് ഇത്രയും സ്ഥാപനങ്ങള്ക്ക് വിദേശസഹായം വാങ്ങാനാവില്ല.
33,000 എന്ജിഒകള്ക്കാണ് വിദേശഫണ്ട് വാങ്ങാന് അനുമതി ഉണ്ടായിരുന്നത്. പുതിയ നടപടിയോടെ ഇത് ഇരുപതിനായിരത്തിലേക്ക് ചുരുങ്ങി. 1,700 എന്ജിഒകള്ക്ക് കൂടുതല് രേഖകള് സമര്പ്പിച്ച് ലൈസന്സ് പുതുക്കാന് ഒരാഴ്ച കൂടി സമയം നല്കിയിട്ടുണ്ട്.
എഫ്സിആര്എ രജിസ്ട്രേഷന് പുതുക്കേണ്ട അവസാന തീയതി ജൂലൈ 30 ആയിരുന്നു. ഒക്ടോബര് 31ന് എഫ്സിആര്എ രജിസ്ട്രേഷന്റെ കാലാവധിയും അവസാനിച്ചു.
വിവിധ മത സംഘടനകളുടേയും മറ്റു സാംസ്ക്കാരിക, സാമൂഹ്യ സംഘടനകളുടേയും അടക്കമാണ് രജിസ്ട്രേഷന് റദ്ദാക്കിയത്. കേന്ദ്രസര്ക്കാരുമായി അടുപ്പമുള്ള സംഘടനകളുടെ അടക്കം രജിസ്ട്രേഷനുകള് റദ്ദാക്കപ്പെട്ടിട്ടുണ്ട്.
കണക്കുകളും രേഖകളും കൃത്യമല്ലാത്ത ഒരു സ്ഥാപനങ്ങള് പോലും രാജ്യത്ത് പ്രവര്ത്തിക്കാന് അനുവദിക്കില്ലെന്ന നിലപാട് കൂടുതല് ശക്തമായി നടപ്പാക്കുകയാണ് കേന്ദ്രസര്ക്കാര്. വ്യാജ രേഖകളുമായി പ്രവര്ത്തിക്കുന്ന ആയിരക്കണക്കിന് എന്ജിഒകള്ക്കെതിരായ കേന്ദ്രആഭ്യന്തരമന്ത്രാലയത്തിന്റെ നടപടി ഇനിയും തുടരും.
