കൊച്ചി: സാങ്കേതിക വിദ്യയുടെ പ്രയോജനം മത്സ്യബന്ധനമേഖലയില് കൂടുതല് ഫലപ്രദമായി വിനിയോഗിക്കുന്നതിന്റെ ഭാഗമായി ഇ-സമുദ്ര എന്ന മൊബൈല് ആപ്ലിക്കേഷന് ജില്ലാഭരണകൂടം പുറത്തിറക്കുന്നു. കാലാവസ്ഥാവ്യതിയാനത്തെക്കുറിച്ചും സമുദ്രപരിസ്ഥിതിയെക്കുറിച്ചുമുള്ള അറിയിപ്പുകള്, മത്സ്യബന്ധനത്തിന് കൂടുതല് സാധ്യതയുള്ള മേഖലകള് എന്നിവയ്ക്കുപുറമെ മീനിന്റെ വിപണിവിലയടക്കമുള്ള വിവരങ്ങള് മത്സ്യത്തൊഴിലാളികള്ക്ക് നല്കുന്നതായിരിക്കും ഇ-സമുദ്ര എന്ന ആപല്ക്കേഷന്.
ആന്ഡ്രോയിഡ് മൊബൈല് ഫോണില് ഉപയോഗിക്കത്തക്ക രീതിയിലാണ് ഈ ആപ്ലിക്കേഷന് ഡെവലപ് ചെയ്തിരിക്കുന്നത്. ജാഗ്രതാ നിര്ദേശങ്ങളും ലാന്റിംഗ് സെന്ററുകളെക്കുറിച്ചുള്ള വിവരങ്ങളും ഇ-സമുദ്ര വഴി മത്സ്യത്തൊഴിലാളികള്ക്ക് ലഭിക്കും. മത്സ്യത്തൊഴിലാളികള്ക്കായുള്ള വിവിധ പദ്ധതികളുടെയും സാമ്പത്തിക സഹായത്തിന്റെയും വിവരങ്ങളും ലഭിക്കും. ബോട്ടുകളുടെ നിലവിലെ സ്ഥാനം നിര്ണയിക്കാനും പോയിന്റ്ടുപോയിന്റ് നാവിഗേഷനുതകുകയും ചെയ്യുന്ന ഫീച്ചറുകള് ഇ-സമുദ്രയിലുണ്ട്. മത്സ്യബന്ധനത്തിന് കൂടുതല് സാധ്യതയുള്ള മേഖലയെക്കുറിച്ചുള്ള അറിയിപ്പ് നല്കുന്നതിനു പുറമെ ഗൂഗിള് മാപ്പുപയോഗിച്ച് ആ സ്ഥലത്തേക്ക് നീങ്ങാനായി ഇ-സമുദ്ര വഴി കഴിയും. കരയിലുള്ളവരുമായി ആശയവിനിമയത്തിനും ആപ്ലിക്കേഷന് സഹായിക്കും. 35 നോട്ടിക്കല് മൈലോളം ദൂരം ടെലികമ്യുണിക്കേഷന് കവറേജ് ഇ-സമുദ്ര നല്കും. സമുദ്രാതിര്ത്തിയെത്തുമ്പോള് മത്സ്യത്തൊഴിലാളികള്ക്ക് അറിയിപ്പ് നല്കാനുള്ള സംവിധാനവും ഇ-സമുദ്രയിലുണ്ടാകും. അടിയന്തരസന്ദേശങ്ങള് അയയ്ക്കാനുള്ള സംവിധാനവുമുണ്ട്. നെറ്റ് വര്ക്ക് കവറേജ് ഉള്ളിടത്ത് മൊബൈല് ഡാറ്റ വഴിയും ഇല്ലാത്തിടത്ത് വഴിയും ആശയവിനിമയം നടത്താം.
പ്രതികരിക്കാൻ ഇവിടെ എഴുതുക: