ഡോക്ടേഴ്സ് സെല് ജില്ലാ കമ്മറ്റിയുടെ ആയുര്വേദ ദിനാചരണം ബിജെപി ജില്ലാ അദ്ധ്യക്ഷന് കെ. സോമന് ഉദ്ഘാടനം ചെയ്യുന്നു
കായംകുളം: ധന്വന്തരി ജയന്തി ദേശീയ ആയൂര്വേദ ദിനമായി ഭാരതീയ ജനതാപാര്ട്ടി-ഡോക്ടേഴ്സ് സെല് ജില്ലാ കമ്മറ്റി ആചരിച്ചു. വിവിധ കേന്ദ്രങ്ങളിലായി ധന്വന്തരീ പൂജ, അഷ്ടാംഗ ഹൃദയ പാരായണം, സൗജന്യ ആയൂര്വേദ മെഡിക്കല് ക്യാമ്പുകള്, ഔഷത വിതരണം, പ്രമേഹ നിയന്ത്രണ യോഗ പരിശീലനം, ആരോഗ്യ ബോധവത്ക്കരണ പരിപാടികള്, ആയുര്വേദ പ്രഭാഷണങ്ങള് എന്നിവ നടത്തി. ജില്ലാ തല ഉദ്ഘാടനം കായംകുളത്ത് ഡോക്ടേഴ്സ് സെല് ജില്ലാ കണ്വീനര് ഡോ. രവികുമാര് കല്യാണിശേരിയുടെ അദ്ധ്യക്ഷതയില് ബിജെപി ജില്ലാ പ്രസിഡന്റ് കെ.സോമന് നിര്വ്വഹിച്ചു. ആയുര്വേദ ഡോക്ടര്മാരായ ഡോ.പി.ആര്. ഗോപാലകൃഷ്ണപിള്ള, ഡോ. ജി.ഗോപാലകൃഷ്ണന് എന്നിവരെ ആദരിച്ചു. ധന്വന്തരി പൂജയും നടന്നു. ഡോക്ടേഴ്സ് സെല് സംസ്ഥാന കണ്വീനര് ഡോ. പി.ബിജു മുഖ്യപ്രഭാഷണം നടത്തി. ആരോഗ്യ ഭാരതി സംസ്ഥാന വൈസ് പ്രസിഡന്റ് ഡോ. ജെ. രാധാകൃഷ്ണന് ബോധവത്ക്കരണ ക്ലാസിന് നേതൃത്വം നല്കി.
