കൊല്ലം: ജോനകപ്പുറത്ത് സംഘര്ഷമുണ്ടായ പ്രദേശം ബിജെപി സംസ്ഥാന പ്രസിഡന്റ് കുമ്മനം രാജശേഖരന് സന്ദര്ശിച്ചു.
നാശനഷ്ടം സംഭവിച്ച വീടുകള് സന്ദര്ശിക്കാന് ഇന്നലെ ഉച്ചയോടെയാണ് അദ്ദേഹം ജോനകപ്പുറത്തെത്തിയത്. കുമ്മനത്തിന് മുന്നില് തീരദേശവാസികള് അവര്ക്കുണ്ടായ അനുഭവവും തീരത്തെ ആശങ്കയും ബോധ്യപ്പെടുത്തി. തങ്ങളുടെ പ്രശ്നം പരിഹരിക്കണമെന്നും മത്സ്യബന്ധനം നടത്തി ജീവിക്കുന്ന തങ്ങള്ക്ക് അത് ചെയ്യാനുള്ള അവസരം ഒരുക്കി തരാന് ഇനി ബിജെപിക്ക് മാത്രമേ സാധിക്കുവെന്നും. തങ്ങളുടെ പ്രതീക്ഷകള് ഇനി നിങ്ങളിലാണെന്നും കരഞ്ഞുകൊണ്ട് അവര് കുമ്മനത്തോട് പറഞ്ഞു. ആശങ്കകള് ശാശ്വതമായ പരിഹാരം ഉണ്ടാകണം. സമാധാനത്തിലൂടെ തീരത്തെ ആശങ്കകളും പ്രശ്നങ്ങളും പരിഹരിക്കപ്പെടണം. എല്ലാ പ്രശ്നത്തിനും പരിഹാരം കാണാന് കേന്ദ്രസഹായം ഉറപ്പുവരുത്തുമെന്നും അദ്ദേഹം അവര്ക്ക് ഉറപ്പു നല്കി.
ബിജെപി സംസ്ഥാന സെക്രട്ടറി രാജിപ്രസാദ്, ജില്ലാ പ്രസിഡന്റ് ജി.ഗോപിനാഥ്, ദക്ഷിണമേഖലാ ജനറല്സെക്രട്ടറി എം.എസ്.ശ്യാംകുമാര്, ജില്ലാ വൈസ് പ്രസിഡന്റുമാരായ അഡ്വ.ജി.ഗോപകുമാര്, ബി.ഐ.ശ്രീനാഗേഷ്, സെക്രട്ടറിമാരായ നെടുമ്പന ഓമനക്കുട്ടന്, ശശികലാറാവു, ഇരവിപുരം മണ്ഡലം പ്രസിഡന്റ് എ.ജി.ശ്രീകുമാര്, മീഡിയാ സെല് കണ്വീനര് സി.തമ്പി എന്നിവരും ഒപ്പമുണ്ടായിരുന്നു.
