അമ്പലപ്പുഴ: അമ്പലപ്പുഴ കണ്ണന്റെ മണ്ണില് ആര്എസ്എസിന് സ്വന്തമായി കാര്യാലയം. കാര്യാലയമായ ‘ദേവനാരായണം’ സമര്പ്പണം നവംബര് ആറിന് നടക്കും. ആറിന് രാവിലെ 10.30ന് പ്രാന്തീയ സഹപ്രചാരക് പ്രമുഖ് കെ. ഗോവിന്ദന്മാസ്റ്റര് സഭാഗൃഹ സമര്പ്പണം നടത്തും. പ്രാന്തസംഘചാലക് പി.ഇ.ബി. മേനോന് ഉദ്ഘാടനം ചെയ്യും. ബ്രഹ്മചാരി വേദാമൃത ചൈതന്യ അനുഗ്രഹപ്രഭാഷണം നടത്തും.
ആര്എസ്എസിന് അമ്പലപ്പുഴയില് സ്ഥിരമായി ആസ്ഥാനമന്ദിരം ഉണ്ടാക്കുക, അതും പാര്ത്ഥസാരഥിയുടെ തിരുനടയില് ഇതായിരുന്നു പ്രവര്ത്തകരുടെ സ്വപ്നം. അമ്പലപ്പുഴ ശ്രീകൃഷ്ണസ്വാമി ക്ഷേത്രത്തിന്റെ കിഴക്കേ നടയില് നിന്നും നൂറുമീറ്റര് തെക്കുമാറി അമ്പലപ്പുഴ വലിയ തോടിനു സമീപം 20 സെന്റ് സ്ഥലത്താണ് കമനീയമായ രീതിയില് മന്ദിരം പണിതീര്ത്തത്. ഈ മന്ദിരം അമ്പലപ്പുഴയില് സംഘപ്രവര്ത്തനത്തിന് ബലിഷ്ഠമായ ഒരു അടിത്തറയാണ് ഒരുക്കിയിരിക്കുന്നത്. ചെമ്പകശ്ശേരി രാജാക്കന്മാരുടെ നാമമുദ്രയായ ദേവനാരായണം എന്നാണ് കാര്യാലയത്തിന് പേരിട്ടിരിക്കുന്നത്. വിശാലമായ ഹാളും മുറികളും അടങ്ങിയ കെട്ടിടത്തില് അതിഥികള്ക്ക് താമസിക്കാനുള്ള സ്വീകരിക്കാനുള്ള സൗകര്യവും ഒരുക്കിയിട്ടുണ്ട്.
