ബീജിങ്: ഷിപ്പിങ് കണ്ടയ്നറില് സ്ഥാപിക്കാവുന്ന തരത്തിലുള്ള ചെറിയ ആണവോര്ജ്ജ പ്ലാന്റ് ചൈന വികസിപ്പിക്കുന്നു, ദക്ഷിണ ചൈനാക്കടലിലെ വിവാദ ദ്വീപില് ചൈന നടത്തുന്ന പ്രവര്ത്തനങ്ങളെ സഹായിക്കുന്നതിനായാണ് ഇത് വിഭാവനം ചെയ്യുന്നത്.
ചൈനീസ് സൈന്യമാണ് റിയാക്ടറിനായി ഭാഗികമായി പണം മുടക്കുന്നത്. ശുദ്ധജലത്തിനായി കടല് വെള്ളം ശുദ്ധീകരിക്കുന്നതിനും വൈദ്യുതി വിതരണത്തിനും ഇത് ഉപയോഗിക്കും.
മിക്കവാറും ദ്വീപുകള് പാറക്കെട്ടുകള് നിറഞ്ഞതാണ്. മത്സ്യ സമ്പത്തും ധാതു സമ്പത്തും ഉള്ള ഇവിടം പലരാജ്യങ്ങളും അവകാശവാദം ഉന്നയിച്ചിട്ടുണ്ട്. സോവിയറ്റ് മുങ്ങിക്കപ്പലുകളില് 1970 കളില് ഉപയോഗിച്ച ഡിസൈനാണ് ഇതില് ഉപയോഗിക്കുന്നത്. അടിസ്ഥാനപരമായി ഇവ സുരക്ഷിതമല്ലായെന്നാണ് ബ്രിട്ടീഷ് വിദഗ്ധര് പറയുന്നത്.
സൈനിക ആവശ്യത്തിനല്ലാതെ നിര്മ്മിച്ചിട്ടുള്ളവയില് ഏറ്റവും ചെറുതാണിത്. ചൈനീസ് അക്കാദമി ഓഫ് സയന്സ് ഇന്സ്റ്റിറ്റ്യൂട്ട് ഓഫ് ന്യൂക്ലിയര് എനര്ജി സേഫ്റ്റി ടെക്നോളജിയിലെ ഗവേഷകരാണ് റിയാക്ടര് വികസിപ്പിക്കുന്നത്. അഞ്ച് വര്ഷത്തിനുള്ളില് ആദ്യത്തെ റിയാക്ടര് സ്ഥാപിക്കാനാവുമെന്നും പിന്നീടിത് മറ്റ് രാജ്യങ്ങള്ക്ക് വില്ക്കാനാവുമെന്നാണ് പ്രതീക്ഷിക്കുന്നത്.
അതേസമയം, ആണവ റിയാക്ടറില് നിന്നുള്ള റേഡിയേഷനും മാലിന്യവും മത്സ്യങ്ങള്ക്കും മറ്റ് ജീവികള്ക്കും ദോഷകരമായിരിക്കുമെന്നും വിദഗ്ധര് ചൂണ്ടിക്കാണിക്കുന്നു.
