പത്തനംതിട്ട: നിരപരാധികളായ സംഘപരിവാര് പ്രവര്ത്തകരെ കള്ളക്കേസില് കുടുക്കി ജയിലിലടച്ച അടൂര് സിഐ ആര്.ബിനുവിനെതിരേ നടപടി സ്വീകരിക്കണമെന്ന് ബിജെപി ജില്ലാ പ്രസിഡന്റ് അശോകന്കുളനട ആവശ്യപ്പെട്ടു. അടൂരില് സംഘപരിവാര് സംഘടനകളുടെപ്രവര്ത്തനം തടസ്സപ്പെടുത്താനാണ് സിപിഎമ്മിന്റെ പിണിയാളായ സിഐയുടെ ശ്രമം. ഹര്ത്താല് ദിവസം ബിജെപി പ്രവര്ത്തകരെ പ്രകോപിപ്പിച്ച് പ്രശ്നങ്ങളുണ്ടാക്കാന് ശ്രമിച്ചത് സിഐയാണ്. യാതൊരു കാരണവുമില്ലാതെ പ്രവര്ത്തകരെ അസഭ്യം പറഞ്ഞുകൊണ്ട് പാഞ്ഞടുക്കുന്ന സിഐയുടെ ചെയ്തികള് പ്രാദേശികചാനല് റിപ്പോര്ട്ടര്മാര് പകര്ത്തിയിട്ടുള്ളതാണ്. സിഐക്കെതിരേ നടപടിവേണമെന്നാവശ്യപ്പെട്ട് തെളിവുകള് സഹിതം ജില്ലാ പോലീസ് ചീഫിന് പരാതിനല്കുമെന്നും സ്വതന്ത്രമായി സംഘടനാ പ്രവര്ത്തനം നടത്താനുള്ള അവകാശത്തിനായി പ്രക്ഷോഭ പരിപാടികള് സംഘടിപ്പിക്കുമെന്നും ബിജെപി ജില്ലാ പ്രസിഡന്റ് പറഞ്ഞു.
സിഐ ആര്.ബിനുവിനെതിരേ നടപടി സ്വീകരിക്കണമെന്ന് ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.