മുക്കം: മലയോര മേഖലയില് വിദ്യാര്ത്ഥികള് ഉള്പ്പെടെയുളളവര്ക്ക് കഞ്ചാവ് മൊത്തമായി വില്പ്പന നടത്തുന്ന പ്രധാന കണ്ണി പിടിയില്. നെല്ലിക്കാ പറമ്പ് സ്വദേശി കപ്പക്കാടന് മാധവന് എന്നഅബ്ദുല് സഫീര് (28) ആണ് ബുധനാഴ്ച മുക്കംപോലിസിന്റെ പിടിയിലായത്. ഇയാളില് നിന്ന് ഒരു കിലോ നാനൂറ് ഗ്രാം കഞ്ചാവും പിടികൂടിയിട്ടുണ്ട്. നിരവധി കഞ്ചാവു കേസുകളില് പ്രതിയായ ഇയാള് ഇതുവരെ പിടിയിലായിരുന്നില്ല. ഷാഡോ പോലീസിന്റേയും നാട്ടിലെ സന്നദ്ധ സംഘടനകളുടെയും നേതൃത്വത്തില് നിരീക്ഷിച്ച് വരികയായിരുന്നു. അതിനിടെയാണ് വലിയപറമ്പ് ബസ് സ്റ്റോപ്പിനടുത്ത് ഇയാള് കഞ്ചാവ് വില്ക്കുന്നതായി പോലീസിന് രഹസ്യവിവരം ലഭിച്ചത്. മൊബൈല് ഫോണില് വിവരം നല്കി ആവശ്യക്കാരന് കഞ്ചാവ് വില്ക്കാന് കാത്തുനില്ക്കുന്നതിനിടെയാണ് പോലീസിനെ കണ്ട് ഓടിയത്. ഇയാളെ മുക്കം എസ്ഐ അബ്ദുറഹിമാന്, ഗ്രേഡ് എസ്ഐ സലീം, എഎസ്ഐ വേണുഗോപാല്, സീനിയര് സിപിഒ ജയമോദ്, അസൈന് എന്നിവര് ചേര്ന്ന് ഓടിച്ചിട്ട് പിടികൂടുകയായിരുന്നു.
പ്രതികരിക്കാൻ ഇവിടെ എഴുതുക: