ചോറ്റാനിക്കര: ചോറ്റാനിക്കര പഞ്ചായത്തിലെ പ്രധാന കുടിവെള്ള സ്രോതസായ അടിയാക്കല് വലിയതോട് പരിസര പഞ്ചായത്തുകളായ ആമ്പല്ലൂര്,ഉദയംപേരൂര്, തിരുവാങ്കളം തിരുവാണിയൂര് പഞ്ചായത്തകളിലെ കുടി പാടശേഖരങ്ങളുമായി ബന്ധപ്പെട്ടു കിടക്കുന്നു. കൃഷിക്കും കുടിവെള്ളത്തിന്റെയും പ്രധാനപ്പെട്ട ഒരു സ്രോതസ്സാണിത്.
നെല്കൃഷി കാര്യമായി ചെയ്തിരുന്ന കാലത്ത് ഈ തോടിന്റെ ഇരുകരകളിലും വെള്ളം കയറ്റാനും ഇറക്കാനുംവേണ്ടി ധാരാളം ചക്രവും പുരയും ഉണ്ടായിരുന്നു.
ചോറ്റാനിക്കരയിലേക്കുള്ള കടിവെള്ള പമ്പിംഗ് സ്റ്റേഷന് പുതിയതും പ്രവര്ത്തിക്കാത്ത പഴയതും ഈ പാടശേഖരത്തിന്റെ കരയിലാണ്. അതേപോലെ മുന് കാലങ്ങളില് ധാരാളം നെല്ലുല്പ്പല്പ്പാദിപ്പിച്ചിരുന്ന തോടിന്റെ ഇരുകരയിലുള്ള ഈ പാടശേഖരം മുഴുവനായും ചോറ്റാനിക്കരക്കവലയില് നിന്നും ഒഴുകിയെത്തുന്ന പ്ലാസ്റ്റിക് മാലിന്യത്തിന്റെ കൂമ്പാരമാണ്. പോരാത്തതിന് ഹോട്ടലുകളിലേയും മറ്റു് അടുക്കള മാലിന്യ ജലവും നിര്ബാധം ഒഴുക്കിവിടുന്നത് ഇങ്ങോട്ടു തന്നെ.കേസ്സും തീര്പ്പുമായി കോടതിയിലും ഓംബുഡ്മാന്വരെ എത്തി നില്ക്കുന്ന ചോറ്റാനിക്കരയിലെ ഏറ്റവും ഗൗരവമുള്ള വിഷയമാണ് അടിയാക്കല് പാടശേഖരത്തിലേക്കു മാലിന്യ മൊഴുക്കല് .ഒഴുകിപ്പോകാന് വഴിയില്ലാത്ത കെട്ടികിടക്കുന്ന മാലിന്യ ജലവും മറ്റു വേയ്സ്റ്റുകളും പലപ്പോഴും റോഡിലേക്ക് പരന്ന് ഒഴുകിക്കിടക്കാറുണ്ട്. പാടത്തിറങ്ങി പുല്ലും മറ്റും വെട്ടി കൊണ്ടിരുന്ന പലരും ശരിരത്തില് ചെറിച്ചിലും വൃണങ്ങളും മറ്റു മാറാത്ത ചര്മ്മ രോഗങ്ങള് കൊണ്ട് നിത്യരോഗികളായി. സെപ്റ്റിക്ക്ടാങ്കിന്റെ ഔട്ട് ലെറ്റ് നേരിട്ട് പി.ഡളി യു.കാനയിലേക്ക് വച്ചിരുന്ന ലോഡ്ജു കള്ക്കെതിരെ ജനകീയ സമിതിക്കാര് പഞ്ചായത്തിനെ കൊണ്ട് നടപടിയെടുപ്പിച്ചു.
അയ്യപ്പഭക്തമ്മാരുടെ ഇടത്താവളവും കൂടിയായ ചോറ്റാനിക്കരയില് ലക്ഷക്കണക്കിന് ജനങ്ങളാണ് വന്നു പോയ്ക്കൊണ്ടിരിക്കുന്നത്. ഭൗതീക സാഹചര്യങ്ങള് ഒരുക്കുന്നതില് നല്ല വരുമാനമുള്ള ദേവസ്വം ബോര്ഡും പഞ്ചായത്തും വേണ്ടത്ര ശ്രദ്ധ ചെലുത്തുന്നില്ലായെന്ന പരാതിയുണ്ട്.
