പത്തനംതിട്ട: മാനസിക വിഭ്രാന്തിലായ ദമ്പതികളുടെ ആക്രമണത്തില് രണ്ട് പോലിസുകാര്ക്ക് വെട്ടേറ്റു.പുളിക്കീഴ് പോലിസ്റ്റേഷനിലെ സിവില് പോലിസ് ഓഫിസര് ജൂബി തമ്പി (39), ഡ്രൈവര് ബിജു(41) എന്നിവര്ക്കാണ് വെട്ടേറ്റത്. സാരമായി പരുക്കേറ്റ ഇവരെ പരുമലയിലെ സ്വകാര്യാശുപത്രിയില് പ്രവേശിപ്പിച്ചു.
ജൂബി തമ്പിയുടെ തലക്കാണ് വെട്ടേറ്റത്.12 കുത്തികെട്ടുകള് ഉണ്ട്.ബിജുവിന്റെ വെട്ടേറ്റ കൈ ക്ക് പ്ളാസ്റ്റിക്ക് സര്ജറി നടത്തി.തിങ്കളാഴ്ച വൈകുന്നേരം അഞ്ചു മണിയോടെയായിരുന്നു സംഭവംനിരണം ഡക്കുഫാം റോഡില് തോണ്ടുപറമ്പില് ടി എ വറുഗീസ് (75), ഭാര്യ ചിന്നമ്മ (68) എന്നിവരാണ് പോലിസിനെ ആക്രമിച്ചത്. ഇവരെ പിന്നീട് കോടതി നിര്ദേശപ്രകാരം തിരുവനന്തപുരം പേരൂര്ക്കടയിലുള്ള ഗവണ്മെന്റ് മാനസികാരോഗ്യകേന്ദ്രത്തിലാക്കി പലപ്പോഴും ആക്രമസ്വഭാവം കാണിക്കുന്ന ഇവര്ക്കെതിരെ നാട്ടുകാര് ആര്ഡിഒ ക്ക് പരാതി നല്കിയിരുന്നു. ഇവരെ ആശുപത്രിയിലാക്കാന് ആര്ഡിഒ പോലിസിന് നിര്ദേശവും നല്കിയിരുന്നു..ഇതിനെ തുടര്ന്ന് എത്തിയ പോലിസുകാര്ക്ക് നേരേ വെട്ടുകത്തിയുമായി ഇവര് പാഞ്ഞുചെന്ന് ആക്രമിക്കുകയായിരുന്നു.
