കൊച്ചി: ജീവിതയാത്രാനുഭവങ്ങളെകോര്ത്തിണക്കി ഫ്ളയിങ്ങ് ലൈഫ് ചിത്ര പ്രദര്ശനം ഞായറാഴ്ച ഡര്ബാര് ഹാള് ആര്ട്ട് ഗ്യാലറിയില് ജോണ് ഫെര്ണാണ്ടസ് ഉദ്ഘാടനം ചെയ്യും. ലളിതകലാ അക്കാദമി ചെയര്മാന് ടി.എ.സത്യപാല് മുഖ്യപ്രഭാഷണം നടത്തും. തിരുവാണിയൂര് ഗ്ലോബല് പബ്ലിക് സ്കൂളിലെ ചിത്രകലാ അധ്യാപകനായ ആര്.കെ.ചന്ദ്രബാബുവിന്റെ ചിത്രങ്ങളും, ശില്പങ്ങളും, ഫോട്ടോ ഗ്രാഫിയും, ഡ്രോയിങ്ങ്, ഗ്രാഫിക് ആര്ട്ടിലെ വുഡ്കട്ട്, ലിനോകട്ട്, ഡ്രൈപോയിന്റ് എന്നിവയും പ്രദര്ശനത്തിനുണ്ട്. പറക്കുന്ന ജീവിതകാഴ്ചയില് ഓയില് കളറിലും അക്രിലിക്കിലും വരച്ച ചിത്രങ്ങള്ക്ക് ഒപ്പം കളിമണ് ശില്പങ്ങളാണ് പ്രദര്ശിപ്പിക്കുക. കഴിഞ്ഞ മുപ്പത് വര്ഷമായി ചിത്രകലാരംഗത്ത് പ്രവര്ത്തിക്കുന്ന ആര്.കെ.ചന്ദ്രബാബുവിന്റെ 27-ാമത് പ്രദര്ശനമാണ് ഇത്. ഒക്ടോബര് 7ന് സമാപിക്കും. രാവിലെ 11 മണി മുതല് വൈകിട്ട് ഏഴ്വരെയാണ് പ്രദര്ശനം.
‘പറക്കുന്ന ജീവിതകാഴ്ച’ ചിത്രപ്രദര്ശനം ഇന്നുമുതല്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.