കുന്നത്തൂര്: ശാസ്താംകോട്ട ടൗണില് കോടതിമുക്കില് സ്ഥിതി ചെയ്യുന്ന സി.ഐ ഓഫീസ് അമ്പലത്തിന് കിഴക്ക് വശത്ത് പോലീസ് സ്റ്റേഷന് സമീപത്തേക്ക് മാറ്റുന്നതിനെതിരെ പ്രതിഷേധം ശക്തമാകുന്നു. വാടക കെട്ടിടത്തിലാണ് ഓഫീസ് പ്രവര്ത്തിക്കുന്നത്. പുതിയ കെട്ടിടം പണി ഏതാണ്ട് പൂര്ത്തിയായിട്ടുണ്ട്. ടൗണില് നിന്നും സിഐ ഓഫീസ് കൂടി മാറുന്നതോടെ പോലീസ് സാന്നിധ്യം തീര്ത്തും ഇല്ലാതാകും എന്നുള്ളതാണ് പ്രതിഷേധം ഉയരാന് ഇടയാക്കിയിരിക്കുന്നത്. നിലവില് ടൗണില് നിന്നും അര കിലോമീറ്ററോളം മാറി ആള്വാസം കുറഞ്ഞ മേഖലയിലാണ് പോലീസ് സ്റ്റേഷന് പ്രവര്ത്തിക്കുന്നത്. ഇവിടേക്കാണ് സിഐ ഓഫീസും മാറുന്നത്. നിരവധി സര്ക്കാര്ഓഫീസുകളും വിദ്യാഭ്യാസസ്ഥാപനങ്ങളും ആശുപത്രികളും ബിവറേജസ് ഷോപ്പും മറ്റും സ്ഥിതി ചെയ്യുന്ന ടൗണില് നിന്നും പോലീസ് സാന്നിധ്യം ഇല്ലാതാകുന്നത് സാമൂഹ്യവിരുദ്ധര്ക്കും മണ്ണ് മണല് മാഫിയകള്ക്കും ഗുണകരമാകും. രാത്രികാലങ്ങളില് പരാതിയുമായി സ്റ്റേഷനില് എത്തിച്ചേരുക ഏറെ ശ്രമകരമാണ്. പരാതിയുമായി എത്തിയവരെ വഴിക്ക് പ്രതികള് മറഞ്ഞിരുന്ന് ആക്രമിച്ച സംഭവങ്ങള്വരെ ഉണ്ടായിട്ടുണ്ട്. ഈ നിലക്ക് സിഐ ഓഫീസ് കൂടി മാറ്റുന്നത് അപകടകരമാണെന്ന് ബിജെപി മണ്ഡലം പ്രസിഡന്റ് ആര്.രാജേന്ദ്രന്പിള്ള ചൂണ്ടിക്കാട്ടി. ഓഫീസ് മാറ്റിയാല് ശക്തമായ സമരപരിപാടികള് സംഘടിപ്പിക്കുമെന്ന് അദ്ദേഹം അറിയിച്ചു. ടൗണില് പോലീസ് ഔട്ട് പോസ്റ്റ് എന്ന ആവശ്യവും ശക്തമാണ്.
സിഐ ഓഫീസ് മാറ്റുന്നതിന് എതിരെ ബിജെപി രംഗത്ത്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.