കണ്ണൂര്: കണ്ണൂര് ജില്ലയിലെ തെരഞ്ഞെടുത്ത സ്കൂള് വിദ്യാര്ഥികള്ക്കായി സംസ്ഥാന ബാലാവകാശസംരക്ഷണ കമ്മീഷന് സംഘടിപ്പിക്കുന്ന സംവാദം നാളെ ഹൈക്കോടതി ജഡ്ജി ജസ്റ്റിസ് എ.മുഹമ്മദ് മുസ്താഖ് ഉദ്ഘാടനം ചെയ്യും. കുട്ടികളുടെ അവകാശങ്ങളെക്കുറിച്ച് അവരെ ബോധവല്ക്കരിക്കുന്നതിനും അവരുടെ വീക്ഷണങ്ങളും പ്രശ്നങ്ങളും നേരിട്ട് മനസ്സിലാക്കുന്നതിനുമായാണ് ബാലാവകാശസംരക്ഷണ കമ്മീഷന് എല്ലാ ജില്ലകളിലും സംവാദം’ സംഘടിപ്പിക്കുന്നത്. രാവിലെ പത്തുമണിക്ക് കണ്ണൂര് പോലീസ് സൊസൈറ്റി ഓഡിറ്റോറിയത്തില് നടക്കുന്ന ചടങ്ങില് സംസ്ഥാന ബാലാവകാശസംരക്ഷണ കമ്മീഷന് ചെയര്പേഴ്സണ് ശോഭാ കോശി അധ്യക്ഷത വഹിക്കും. കമ്മീഷന് അംഗം കെ.നസീര് പങ്കെടുക്കും. കളമശ്ശേരി രാജഗിരി കോളേജിലെ പരിശീലനവിഭാഗം മേധാവി എസ്സ്.ആര്.രാജീവ് ക്ലാസ്സ് നയിക്കും. തുടര്ന്ന് ഗ്രൂപ്പ് തിരിഞ്ഞ് ചര്ച്ച നടക്കും. ചര്ച്ചയില് ഉരുത്തിരിയുന്ന ആശയങ്ങള് ഉച്ചയ്ക്കുശേഷം രണ്ടുമണിക്ക് നടക്കുന്ന പാനല് ചര്ച്ചയില് കുട്ടികള് അവതരിപ്പിക്കും. ജില്ലാ ഭരണകൂടത്തിലെ മുതിര്ന്ന ഉദ്യോഗസ്ഥര് ഈ ചര്ച്ചയില് പങ്കെടുക്കുകയും കുട്ടികളോട് സംവദിക്കുകയും ചെയ്യും. ജില്ലയിലെ 40 സ്കൂളുകളില്നിന്നായി ഒന്പത്, 11 ക്ലാസ്സുകളില് പഠിക്കുന്ന ഒരു കുട്ടി വീതമാണ് പരിപാടിയില് പങ്കെടുക്കുന്നത്. ഒരു സ്കൂളില്നിന്ന് ഒരു അധ്യാപകനും പങ്കെടുക്കും. പരിപാടിയില് കുട്ടികള് അവതരിപ്പിക്കുന്ന ആശയങ്ങള് ക്രോഡീകരിച്ച് കമ്മീഷന് സര്ക്കാരിന് സമര്പ്പിക്കും.
ബാലാവകാശസംരക്ഷണ കമ്മീഷന് നടത്തുന്ന സംവാദം നാളെ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.