മയ്യില്: മയ്യില് ഇടൂഴി ഇല്ലം ആയുര്വേദഫൗണ്ടേഷന് ചാരിറ്റബിള് ട്രസ്റ്റ് കണ്ണൂര് ജില്ലയില് രണ്ടാം ദസറ എന്നറിയപ്പെടുന്ന നവവരാത്രി വേളയില് എല്ലാവര്ഷവും സംഘടിപ്പിച്ചുവരുന്ന ഗ്രാമീണകുട്ടായ്മയായ ഇടൂഴി നവരാത്രി സാംസ്കാരികോത്സവം 2016 ഒക്ടോബര് 2 ന് 6 മണിക്ക് പ്രശസ്ത സിനിമാതാരം ഉണ്ണികൃഷ്ണന് നമ്പൂതിരി ഉദ്ഘാടനം ചെയ്യും. നവോത്ഥാന കാലഘട്ടത്തില് ഇടൂഴി ഇല്ലത്ത് നടന്നിരുന്ന സാഹിത്യസഭയയുടെ തുടര്ച്ചയായാണ് നവരാത്രി സാംസ്കാരികോത്സവം സംഘടിപ്പിച്ചുവരുന്നത്. ജനപങ്കാളിത്തം കൊണ്ടും ചരിത്രപശ്ചാത്തലംകൊണ്ടും ശ്രദ്ധേയമായ ഈ പരിപാടി ഇത് 5-ാം വര്ഷത്തില് എത്തി നില്ക്കുകയാണ്. ജാതിമത ചിന്തകള്ക്കതീതമായി അറിവിന്റെയും നന്മയുടേയും പൊന്വെളിച്ചമൊരുക്കുന്ന നവരാത്രിവേളയില് നടത്തപ്പെടുന്ന ഈ ജനകീയ സാംസ്കാരികോത്സവം നൂറോളം പ്രാദേശിക കലാകാരന്മാര്ക്ക് എല്ലാ വര്ഷവും വേദിയാകാറുണ്ട.് സാമൂഹ്യഭോജനം, ഭൂദാനം, നാലോളം സ്കൂളുകള് സ്ഥാപിച്ച് നടത്തിയവിദ്യാഭ്യാസ ക്ഷേമപ്രവര്ത്തനങ്ങള്, വര്ഷങ്ങളായിനടന്നുവരുന്ന സാധുജനങ്ങള്ക്കായുള്ള സൗജന്യആയുര്വേദ ചികിത്സാ സംവിധാനങ്ങള് ഇവക്ക് നേതൃത്വം നല്കിയ ഇടൂഴി നമ്പൂതിരിവൈദ്യന്മാരുടെ വിവിധ നവോത്ഥാനപരിപാടികളില് മഹാകവി വള്ളത്തോള്, നിമിഷകവി കെ.സി.നാരായണന് നമ്പ്യാര്, വേങ്ങയില് കുഞ്ഞിരാമന് നായനാര്, ആലിപ്പറമ്പ് ശിവരാമപ്പൊതുവാള്, ഞെരളത്ത് രാമപ്പൊതുവാള്, വെങ്കിടാചലയ്യര്, പി.എസ്.വാര്യര് തുടങ്ങി പലപ്രമുഖരും പഴയകാലത്ത് പങ്കെടുത്തിരുന്നു. മുന് വര്ഷങ്ങളില് കഥകളി, പാഠകം, മോഹിനിയാട്ടം, ഭരതനാട്യം, കേരളനടനം, അഷ്ടപതി, നാടകം, കഥാപ്രസംഗം, ശാസ്ത്രീയസംഗീതം, കോല്ക്കളി, നാട ന്പാട്ടുകള് എന്നിവ ഈ വേദിയില് അവതരിപ്പിച്ചിട്ടുണ്ട്. ഈ വര്ഷം വിവിധ ദിവസങ്ങളിലായി നങ്ങ്യാര്ക്കൂത്ത്, സംഗീതകച്ചേരി, ഭരതനാട്യം സോപാനരത്നം അമ്പലപ്പുഴ വിജയകുമാര് അവതരിപ്പിക്കുന്ന സോപാനസംഗീതം, മൃദംഗവിദ്വാന് ഗിന്നസ് ബുക്ക് റെക്കോര്ഡ് ജേതാവ് ഡോ.കുഴല്മന്ദം രാമകൃഷ്ണന് അവതരിപ്പിക്കുന്ന ‘മൃദുതരംഗ്’ എന്നിവയും അരങ്ങേറും. കഥകളി ആചാര്യന് പറശ്ശിനി കുഞ്ഞിരാമന് നായര്, ശൗര്യചക്ര പി.വി.മനേഷ് എന്നിവരെ ചടങ്ങില് ആദരിക്കും. മയ്യില് ഇടൂഴി ഇല്ലം അങ്കണത്തിലാണ് പരിപാടി നടക്കുന്നത്.
ആയുര്വേദത്തിന്റെ ഈറ്റില്ലത്തില് ഇനി കലയുടെ രാവുകള്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.