പാനൂര്: പാനൂര് ടൗണില് ആഗസ്റ്റ് രണ്ടിനുണ്ടായ വാഹനാപകടത്തില് നാശനഷ്ടമുണ്ടായവര്ക്കും, പരിക്കേറ്റവര്ക്കുമുളള ധനസഹായം വിതരണം ചെയ്തു. പിആര് മന്ദിരം ഹാളില് നടന്ന പരിപാടിയില് സര്ക്കിള് ഇന്സ്പെക്ടര് കെ.എസ്.ഷാജി സഹായവിതരണം കൈമാറി. സുമനസുകളില് നിന്നും സ്വരൂപിച്ച 1,65,000 രൂപയാണ് കൈമാറിയത്. ഓട്ടോ തൊഴിലാളികളാണ് ധനസമാഹരണം നടത്തിയത്. കൂത്തുപറമ്പ് റോഡിലെ ഓട്ടോസ്റ്റാന്ഡിലേക്ക് നിയന്ത്രണം വിട്ട് ടിപ്പര് ലോറി കയറി ഒരാള് മരിക്കുകയും നിരവധി പേര്ക്ക് പരിക്കേല്ക്കുകയും അഞ്ച് ഓട്ടോറിക്ഷകള് തകരുകയും കടകള്ക്ക് നാശനഷ്ടം സംഭവിക്കുകയും ചെയ്തിരുന്നു. നാശനഷ്ടം സംഭവിച്ച എസ്മാന് ബ്യൂട്ടിപാര്ലര് ഉടമ വളളങ്ങാട്ടെ എന്.പി.അനില്കുമാര് തനിക്കു ലഭിച്ച ധനസഹായം സാരമായി പരിക്കേറ്റ്് ചികിത്സയിലുളള വിദ്യാര്ത്ഥികള്ക്ക് നല്കി മാതൃകയായി. വി.പി.കുമാരന് അധ്യക്ഷത വഹിച്ചു. കെ.കെ.ധനഞ്ജയന്, എന്.ടി.മനോജ്, വി.സുരേന്ദ്രന്, ടി.ചന്ദ്രന്, ഇ.മനീഷ്, കെ.കുമാരന്, എം.കെ.രാജീവന്, കെ.മോഹനന്, കെ.സുജിത്ത് എന്നിവര് പ്രസംഗിച്ചു. ഇ.രാജേഷ് സ്വാഗതവും വന്ദന രാജന് നന്ദിയും പറഞ്ഞു.
വാഹനാപകടത്തില് പരിക്കേറ്റവര്ക്ക് ധനസഹായം വിതരണം ചെയ്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.