പൂമംഗലം: കേരള ശാസ്ത്രസാങ്കേതിക പരിസ്ഥിതി കൗണ്സിലിന്റെയും കേരള ഫോക്ലോര് കൗണ്സിലിന്റെയും സഹകരണത്തോടെ പൂമംഗലം യുപി സ്കൂളില് വിദ്യാരംഗം കലാസാഹിത്യവേദിയുടെ ആഭിമുഖ്യത്തില് ഫോക്ലോര് അക്കാദമി ചെയര്മാന് സി.ജെ.കുട്ടപ്പന് സ്കൂള് ഫോക്ലോര് ക്ലബ്ബ് ഉദ്ഘാടനം ചെയ്തു. കുറുമാത്തൂര് പഞ്ചായത്ത് പ്രസിഡണ്ട് ഐ.വി.നാരായണന്റെ അധ്യക്ഷതയില് നടന്ന പരിപാടിയില് അക്കാദമി സെക്രട്ടറി ഡോ.എ.കെ.നമ്പ്യാര് ഓണം-കാലാവസ്ഥയും സംസ്കാരവും എന്ന വിഷയത്തില് മുഖ്യപ്രഭാഷണം നടത്തി. സ്കൂളിലെ കോല്ക്കളി ട്രൂപ്പിന് പരിശീലനം നല്കിയ രവീന്ദ്രന് കാഞ്ഞിരങ്ങാടിനെയും പാവനാടക ട്രൂപ്പിന് പരിശീലനം നല്കിയ കണ്ണപുരം ചന്ദ്രന് മാസ്റ്ററെയും ആദരിച്ചു. നൂറോളം നാട്ടുപൂക്കള് ഉള്പ്പെടുത്തിയുള്ള പ്രദര്ശനത്തില് വാര്ഡ് മെമ്പര് പി.ലക്ഷ്മണന് പൂക്കള് പരിചയപ്പെടുത്തി. വാര്ഡ് മെമ്പര് പി.ഷീബ സ്കൂള് ലീഡര് നന്ദന നാരായണന് നല്കി ഓണപ്പതിപ്പ് പ്രകാശനം ചെയ്തു. കുട്ടികളുടെ കോല്ക്കളി, നാടന്പാട്ട്, ഓണപ്പാട്ട് എന്നിവ അരങ്ങേറി. പി.അബ്ദുറഹിമാന്, നിഷ എം നായര്, നന്ദന നാരായണന്, അനുമോഹനന്, പി.സത്യനാരായണന് എന്നിവര് സംസാരിച്ചു.
ഫോക്ലോര് ക്ലബ്ബ് ഉദ്ഘാടനം ചെയ്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.