തളിപ്പറമ്പ്: തളിപ്പറമ്പില് കൊല്ലപ്പെട്ട രജീഷിനും സംഭവുമായി ബന്ധപ്പെട്ട് അറസ്റ്റിലായ രാഗേഷിനും ബിജെപിയുമായോ സംഘപരിവാര് സംഘടനകളുമായോ യാതൊരു ബന്ധവുമില്ലെന്ന് ബിജെപി നേതാക്കള് പത്രസമ്മേളനത്തില് അറിയിച്ചു. വി.മുരളീധരന് കടമ്പേരിയില് എത്തിയപ്പോള് പിറകില്നിന്നുമെടുത്ത സെല്ഫി ചിത്രം പ്രദര്ശിപ്പിച്ച് സംഘപരിവാര് സംഘടനകളെ താറടിക്കാനാണ് സിപിഎം ശ്രമിക്കുന്നത്. കൊലയാളി രാഗേഷിന് സിപിഎമ്മുമായി അടുത്ത ബന്ധമാണുള്ളത്. ഇതിന്റെ നിരവധി തെളിവുകള് തങ്ങളുടെ കയ്യിലുണ്ടെന്നും ഭാരവാഹികള് അറിയിച്ചു. സംഭവത്തിന്റെ പിന്നില് പ്രവര്ത്തിച്ച ഭര്തൃമതിക്ക് എല്ലാ സഹായങ്ങളും നല്കിയത് സിപിഎമ്മാണ്. അതോടൊപ്പം കൊലയാളിയായ രാഗേഷിന്റെ കുത്തഴിഞ്ഞ ജീവിതത്തിന് സഹായം നല്കിയതും സിപിഎമ്മാണ്. ഇയാളുടെ ആദ്യവിവാഹം വേര്പെടുത്തിക്കൊടുത്തത് ബക്കളത്തുള്ള എകെജി സെന്ററില് വെച്ച് സിപിഎം നേതാക്കളാണ്. സത്യമിതാണെന്നിരിക്കെ ബിജെപിയെ കരിവാരിത്തേക്കാന് നടത്തുന്ന വ്യാജ പ്രചരണങ്ങള് ജനങ്ങള് തിരിച്ചറിയണമെന്ന് നേതാക്കള് ആവശ്യപ്പെട്ടു. വാര്ത്താ സമ്മേളനത്തില് മണ്ഡലം പ്രസിഡണ്ട് ടി.ടി.സോമന്, രവീന്ദ്രന് കടമ്പേരി, ചെങ്ങുനി രമേശന് എന്നിവര് പങ്കെടുത്തു.
രജീഷ് വധം: രാഗേഷിന് ബിജെപിയുമായി ബന്ധമില്ല; സിപിഎം കള്ളപ്രചരണം നടത്തുന്നു: ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.