മല്ലപ്പള്ളി: ബിജെപി പ്രവര്ത്തകന്റെ വീട് കയറി സിപിഎം അക്രമം. മല്ലപ്പള്ളി സി.എം.എസ് ഹൈസ്ക്കൂളിന് സമീപം പൂവേലിമല മുള്ളന്കുഴിയില് തമ്പി കുട്ടനെയാണ് സി.പി.എം.പ്രവര്ത്തകര് ആക്രമിച്ചത്.തിരുവോണ നാളില് രാത്രി 8 മണിയോടെയാണ് സംഭവം. വീട്ടിലിരുന്ന് ഊണ് കഴിച്ചു കൊണ്ടിരിക്കുമ്പോഴാണ് യാതൊരു പ്രകോപനവുമില്ലാതെ സി.പി.എം.പ്രവര്ത്തകരായ സന്തോഷും സഹോദരന് സതീഷും തമ്പിക്കുട്ടനെ ആക്രമിച്ചത്. ആക്രമണത്തില് തമ്പി ക്കുട്ടന് പരിക്കേറ്റു. തടയാന് ചെന്ന ഭാര്യ ശൈലജയെയും ഇവര് പിടിച്ചു തള്ളിയതായി പറയപ്പെടുന്നു.മാസങ്ങള്ക്ക് മുന്പ് പറഞ്ഞ് തീര്ത്ത ഒരു പ്രശ്നത്തെച്ചൊല്ലിയാണ് ഈ സംഭവമുണ്ടായത്.മര്ദ്ദനമേറ്റതമ്പിക്കുട്ടനെ ആശുപത്രിയില് പ്രവേശിപ്പിച്ചു കഴിഞ്ഞപ്പോള് വീട്ടിലെത്തി തമ്പിക്കുട്ടന്റെ മക്കളെയും മറ്റും ഭീഷണിപ്പെടുത്തുകയും ചെയ്തു. ആശുപത്രിയില് പ്രവേശിപ്പിച്ചതിന് ശേഷം പോലീസ് സ്റ്റേഷനിലേക്ക് അറിയിപ്പ് നല്കിയങ്കിലും പോലീസ് എത്തുകയോ മൊഴി രേഖപ്പെടുത്തുകയോ ചെയ്തിട്ടില്ല. ഇത് പോലീസിന്റെ അനാസ്ഥയാണ്. പോലീസിന്റെഅനാസ്ഥയില് ബി.ജെ.പി.മല്ലപ്പള്ളി പഞ്ചായത്ത് കമ്മറ്റി പ്രതിഷേധം രേഖപ്പെടുത്തി.
ബിജെപി പ്രവര്ത്തകന്റെ വീട് കയറി സിപിഎം ആക്രമണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.